અફઘાનિસ્તાન / અમેરિકાએ હજુ અફઘાનિસ્તાન છોડ્યું જ છે ત્યાં જુઓ તાલિબાને એરપોર્ટ પર શું કર્યુ

19 વર્ષ 10 મહિના અને 25 દિવસની લડાઈ બાદ આખરે અમેરિકાએ અફઘાનિસ્તાન સંપૂર્ણ રીતે છોડી દીધું છે. સોમવારે રાત્રે જ્યારે અમેરિકાનું આખરી વિમાન  કાબુલ એરપોર્ટ પરથી ઉડ્યું તો તાલિબાનોએ તેની ઉજવણી કરી હતી. 

હવામાં ફાયરિંગ કરીને ઉજવણી 

અમેરિકાએ કાબુલ છોડ્યા બાદ તરત જ કાબુલ એરપોર્ટ પર તાલિબાનોએ કબજો મેળવી લીધો હતો. એટલે કે હવે કોઈને પણ દેશની બહાર જવું હશે તો તાલિબાનોની પરવાનગી લેવી પડશે. જેનો સીધો અર્થ છે કે અફઘાનિસ્તાન હવે સંપૂર્ણ પણે તાલિબાનોના કંટ્રોલ હેઠળ છે. 

વિડીયો વાયરલ 
20 વર્ષ બાદ પૂરી થયેલી લડાઈમાં જાણે જીત થઈ હોય એ રીતે તાલિબાનોએ ઉજવણીમાં કોઈ કમી રાખી નહોતી. અમેરિકાનાં પરત ફરતા જ હવામાં નોનસ્ટૉપ ફાયરિંગ કરવામાં આવ્યું હતું અને ઉજવણીઓ કરવામાં આવી હતી. માત્ર ફાયરિંગ જ નહીં તાલિબાનો દ્વારા અમેરિકન સેનાની વાપસી બાદ  ફટાકડા ફોડીને આતશબાજી પણ કરવામાં આવી હતી. 

Now - Celebrating gunfire in Kabul pic.twitter.com/6LplqtHSIW

— Muslim Shirzad (@MuslimShirzad) August 30, 2021

હવે અમે પૂરી રીતે આઝાદ છીએ 
તાલિબાનોએ કહ્યું હતું કે 20 વર્ષ સુધી અમારા લોકો મરતા રહ્યા, હજારો લોકો ઘાયલ થયા અને મોટુ આર્થિક નુકસાન ગયા બાદ આખરે હવે અમેરિકા પાછું જતું રહ્યું છે. તાલિબાનોએ એલાન કર્યું હતું કે હવે અફઘાનિસ્તાન પૂરી રીતે આઝાદ છે. 

Celebratory gunfire #Kabulairport #Afghanistan pic.twitter.com/behl9ZRPU0

— lyse doucet (@bbclysedoucet) August 30, 2021

2001 માં જ્યારે ઓસામા બિન લાદેનને મારવાના ઇરાદે અમેરિકાએ અફઘાનિસ્તાનમાં એન્ટ્રી લીધી હતી ત્યારથી લઈને અત્યાર સુધી અમેરિકા ત્યાં જ રહ્યું હતું અને તાલિબાન-આતંકવાદ નો ખાત્મો બોલાવવા માટે લડાઈ લડતું રહ્યું હતું. જો કે અમેરિકા આમાં સંપૂર્ણ સફળ થઈ શક્યું ન્હોતું. અને હવે ફરી અફઘાનિસ્તાન પર તાલિબાનોનું રાજ આવી ગયું છે.