લાસ વેગાસ : અમેરિકાનાં લાસ વેગાસમાં એક સંગીત સમારોહ દરમિયાન એક વ્યક્તિ દ્વારા કરવામાં આવેલા ગોળીબારમાં આશરે 50 લોકોનાં મોત થઇ ચુક્યા અને 200થી વધારે લોકો ઘાયલ થયા છે. જો કે હાલનાં દિવસોમાં અમેરિકાનાં ઇતિહાસમાં આ અત્યાર સુધી ગોળીબારની સૌથી ઘાતક ઘટના છે. પોલીસે કહ્યું કે બંદૂકધારીની ઓળખ 64 વર્ષીય સ્ટીફન પૈડોક તરીકે થઇ છે.
સ્થાનિક નિવાસી છે. સ્વેટ ટીમે તેને ઠાર કર્યો છે. હૂમલાખોર એક સંગીત સમારોહનાં સ્થળની બાજુમાં મેડલે બેની 32માં માળથી ગોળીબાર કર્યો હતો. સ્માર્ટફોનથી લેવાયેલા ફૂટેજમાં જોઇ શકાય છે કે આંતરરાષ્ટ્રીય સમયાનુસાર સોમવારે સવારે પાંચ વાગ્યે ચલાવાયેલી ગોળીઓનો અવાજ આવ્યા બાદ લોકો બુમા પાડતા ભાગવા લાગ્યા હતા.
લાસ વેગાસ મેટ્રો પોલીસનાં શેરિફ જોસફ લોમ્બાર્ડે સોમવારે કહ્યું કે અત્યાર સુધીમાં 50થી વધારે લોકોનાં મોત થઇ ચુક્યા છે અને 200થી વધારે લોકો ઘાયલ થઇ ચુક્યા છે. તેમણે કહ્યું કે સ્પષ્ટ રીતે આ દુખદ ઘટના છે. તેમણે કહ્યું કે સ્પષ્ટ છે કે આ દુખદ ઘટના છે અને આ પ્રકારની ઘટનાનો આપણે ક્યારે અનુભવ નથી કર્યો. પોલીસ આ મુદ્દે તપાસ કરી રહી છે અને લોકોને આ વિસ્તારથી દુર રહેવા અને અફવા નહી ફેલાવવા માટે અપીલ કરી રહી છે.