કોરોના વાયરસના પ્રકોપ વચ્ચે દુનિયાભરના વૈજ્ઞાનિકો, શોધકર્તા અને કંપનીઓ આ હરિફાઇને લઇને વેક્સીન બનાવાની ક્વાયતમાં દિવસ-રાત મહેનત કરી રહ્યાં છે. કેટલાંક દેશોએ કોરોના વેક્સીન બનાવી લીધી છે અને ટ્રાયલના અલગ-અલગ તબક્કાઓમાં પહોંચી ગયા છે. આ વચ્ચે અમેરિકાની કંપની જોનસન એન્ડ જોનસન દ્વારા ગઇકાલે બુધવારે જણાવામાં આવ્યું કે તેમની બનાવેલ કોવિડ-19 વેક્સીન અત્યાર સુધી પરીક્ષણમાં સફળ રહી છે. હવે કંપની હવે અડધા જુલાઇ બાદ વેક્સીનની હ્યુમન ટ્રાયલ શરૂ કરી નાંખશે.
બે મહિના પહેલા વેક્સીનનું હ્યુમન ટ્રાયલ કરવા જઇ રહી છે કંપની
જૉનસન એન્ડ જૉનસન હ્યુમન ટ્રાયલ માટે પહેલા નક્કી કરવામાં આવેલા સમય કરતાં બે મહના વહેલું પરીક્ષણ કરવા જઇ રહી છે. એનો મતલબ છે કંપનીનું અત્યાર સુધીનું કામ બહુ ઝડપથી થયું છે. કંપનીએ વેક્સીન બનાવા માટે અમેરિકાની સરકાર સાથે પહેલાથી જ ડીલ કરી લીધી છે. ડીલ મુજબ કંપની વેક્સીનની 1 અરબ ડોઝ બનાવશે. અત્યાર સુધીમાં કોરોનાના કારણે 4 લાખથી વધુ પોઝિટિવ દર્દીઓના મૃત્યું થયા છે.
અમેરિકા અને બેલ્જિયમમાં 1,045 લોકો પર કરાશે ટ્રાયલ
અમેરિકાની કંપની હ્યૂમન ટ્રાયલ દરમિયા 18 થી 55 વર્ષના 1,045 લોકો પર વેક્સીનનું ટ્રાયલ કરશે. આ ટ્રાયલમાં 65 વર્ષ અથવા વધારે ઉંમરના કેટલાંક લોકો પણ સામેલ કરવામાં આવશે. કંપનીએ જણાવ્યું કે હ્યૂમન ટ્રાયલ અમેરિકા અને બેલ્જિયમમાં કરવામાં આવશે.
આવનારા 12 થી 18 મહીનામાં દુનિયાને મળી શકે છે વેક્સીન
કોવિડ-19 વેક્સીન બનાવાની હોડમાં એસ્ટ્રાજેનેકા, સનોફી, ફાઇઝર અને ગ્લેક્સોસ્મિથક્લાઇન પણ સામેલ છે. તેમની બનાવેલ વેક્સીન પણ ટ્રાયલના અલગ-અલગ તબક્કાઓમાં છે. આ સમયે દુનિયાભરમાં અંદાજે 10 કોરોના વેક્સીનનું હ્યુમન ટ્રાયલ ચાલી રહ્યું છે. એક અંદાજા મુજબ આવનારા 12 થી 18 મહીનાની અંદર દુનિયામાં એક સુરક્ષિત અને પ્રભાવી કોરોના વેક્સીન મળી જશે.