અફઘાનિસ્તાનથી સૈન્ય વાપસીના નિર્ણયની વચ્ચે અમેરિકામાં બાયડનની અપ્રૂવલ રેટિંગ ઓછી કરી દેવામાં આવી છે જે 43 ટકા છે.
56 ટકા અમેરિકનોએ બાયડનની વિદેશ નીતિને નકારી
બાયડનની વિદેશ નીતિથી પોતાના લોકો પણ નારાજ
અફઘાનિસ્તાનની સ્થિતિ માટે બુશ વધારે જવાબદાર
56 ટકા અમેરિકનોએ બાયડનની વિદેશ નીતિને નકારી
અનપીઆર અને પીબીએસ ન્યૂશોરની સાથે એક નવું મેરિસ્ટ નેશનલ પોલનું માનીએ તો લગભગ 56 ટકા અમેરિકન નાગરિકોએ જો બાયડનની વિદેશ નીતિની રીતને અસ્વીકાર કરી છે. મેરિસ્ટ પોલ દ્વારા પ્રકાશિત ડેટાથી ખબર પડે છે કે લગભગ અમેરિકની 61 ટકા વસ્તી અફઘાનિસ્તાનથી અમેરિકન સૈન્યની વાપસીની વિરુદ્ધ છે. પોલમાં કહેવામાં આવ્યું છે કે અમેરિકન આ અંગે નિશ્ચિત નથી કે અફઘાનિસ્તાનમાં વાસ્તવમાં શું જોઈતુ હતુ. પણ લગભગ 71 ટકા લોકોનું કહેવું છે કે અફઘાનિસ્તાનમાં અમેરિકા નિષ્ફળ સાબિત થયુ. જમાં અમેરિકાના શાખ ઓછી થઈ છે.
પોતાના લોકો પણ નારાજ
જો બાયડનથી રિપબ્લિકન પણ નારાજ છે. પોલ મુજબ 73 ટકા રિપબ્લિકન બાયડનની વિદેશ નીતિને યોગ્ય નથી માનતા. ત્યારે 66 ટકા ડેમોક્રેટે તેમની નીતિ પર અસંતોષ વ્યક્ત કર્યો. આ પોલમાં લગભગ 75 ટકા સ્વતંત્ર રાજનેતા સામેલ હતા. પોલના પરિણામ મુજબ 61 ટક લોકોને લાગે છે કે અફઘાનિસ્તાનને અમેરિકન ભાગીદારી વગર પોતાનું ભવિષ્ય નક્કી કરવું જોઈએ. 29 ટકા લોકોનું માનવું છે કે યુદ્ધગ્રસ્ત દેશમાં સામેલ રહવું સંયુક્ત રાજ્યની ફરજ છે.
કેટલાક સૈનિકોને કાબુલમાં રાખવા જોઈતા હતા - અમેરિકન
જ્યારે અમેરિકનને પૂછવામાં આવ્યું કે અમેરિકાએ અફઘાનિસ્તાનની સ્થિતિને કેવી રીતે પહોંચી વળવું જોઈએ તો પોલમાં સામેલ લોકોની સલાહ અલગ અલગ હતી. 37 ટકા લોકોનું માનવું હતું કે તમામ અફઘાન સૈનિકોને પાછા બોલાવી લેવા જોઈતા હતા. ત્યારે 38 ટકાનું કહેવું હતું થોડાકને પાછા બોલાવી કેટલાકને ત્યાં રાખવા જોઈતા હતા. 10 ટકા લોકોનું કહેવું છે કે કોઈ પણ સૈનિકને પાછા નહોંતા બોલાવવા જોઈતા. જ્યારે 5 ટકાનું કહેવું છે કે વધારે સૈનિક અફઘાનિસ્તાનમાં મોકલવા જોઈતા હતા.
બુશ વધારે જવાબદાર
જો કે અફઘાનની સ્થિતિ માટે અમેરિકન ફક્ત બાયડનને ગુનેગાર નથી માનતા પરંતુ બુશને વધારે જવાબદાર માને છે. 36 ટકા મતદાતાઓના સૌથી મોટા વર્ગે જોર્જ ડબ્લ્યૂ બુશને અફઘાનિસ્તાનમાં સૈન્ય મિશનની ‘નિષ્ફળતા’ માટે વધારે જવાબદાર ગણાવ્યા છે. આ અનુસાર અફઘાનિસ્તાનમાં અમેરિકાની નિષ્ફળતા માટે જો બાયડન 21 ટકા, બરાક ઓબામા 15 ટકા અને ડોનાલ્ડ ટ્રમ્પ 12 ટકા જવાબદાર છે.
ત્યારે પોલમાં સામેલ ડેમોક્રેટ્સે રિપબ્લિકન નેતા જોર્જ ડબ્લ્યૂ બુશને 53 ટકા અને ટ્રમ્પને 22 ટકા જવાબદાર ગણાવ્યા છે. ત્યારે રિપબ્લિકને ડેમોક્રેટ્સ નેતા જો બાયડનને 38 ટકા અને ઓબામાને 34 ટકા જવાબદાર ગણાવ્યા છે.