ટેક્નોલોજી / યુટ્યુબે ત્રણ મહિનામાં 90 લાખથી વધુ વિડીયો ડિલીટ કેમ કર્યા? જાણો

જોકે હવે યુ ટયુબે આવા તમામ વિડીયો હટાવવાનું અભિયાન શરુ કર્યું છે. તેની જાણકારી ગુગલના સીઇઓ સુંદર પિચાઇએ આપી હતી. યુટયુબે છેલ્લા ત્રણ મહિનામાં 90 લાખથી વધુ વિડીયો ડિલીટ કરી દીધા છે અને હજુ આ પ્રોસેસ ચાલુ જ છે. યુટયુબ પર દુનિયાની તમામ ભાષામાં વિડીયો અપલોડ થતાં હોય છે. તેથી જેમાં વિઝયુઅલ કન્ટેન્ટ વાંધાજનક ન હોય પરંતું ભાષા અયોગ્ય હોય તેવા સંજોગોમાં તેને શોધીને ડિલીટ કરવાનું કામ ઘણું અઘરું છે.

પિચાઇએ કહ્યું છે કે યુટયુબ એક જાયન્ટ પ્લેટફોર્મ છે અને વાંધાજનક વિડીયો હટાવવાનું કામ ઘણું મુશ્કેલ છે. પિચાઇએ કહ્યું હતું કે યુટયુબ સારા કન્ટેન્ટ માટે પ્રતિબધ્ધ છે. આગામી થોડા વર્ષમાં તેનું પરિણામ જોવા મળશે. અમે અમારા આ બહુ લોકપ્રિય પ્લેટફોર્મનું સતત મોનિટરીંગ કરી રહ્યા છીએ. ગુગલે તેની કન્ટેન્ટ અંગેની પોલિસીમાં પણ તાજેતરમાં ફેરફાર કર્યો છે. 

ઉલ્લેખનીય છે કે યુટયુબ પરના આવા વિડીયોને કારણે ગુગલને સતત ટીકાનો મારે સહન કરવો પડે છે. આમ તો યુટયુબ સહિતના સોશિયલ મિડીયાના પ્લેચફોર્મ પર વાંધાજનક કન્ટેન્ટ માટે રિપોર્ટ કરી શકાય છે. પરંતું બહુ ઓછા લોકો રિપોર્ટ કરવાની તસ્દી લેતા હોય છે. ઉલ્લેખનીય છે કે દરરોજ યુટયુબ પર પાંચ અબજ વિડીયો જોવાય છે. દરરોજ કરોડો લોકો યુટયુબની વિઝીટ કરે છે.