VIDEO / 3000 ડાયનામાઈટ લગાવી એક ઝાટકે ઉડાવી દેવાયું ટ્રમ્પનું 34 માળનું ટાવર

• ટ્રમ્પનો પ્લાઝા થયો ધરાશાયી
• 3000 ડાયનામાઈટથી 20 સેકંડથી પણ ઓછા સમયમાં બન્યો કાટમાળ
• 34 માળના પ્લાઝાનો કાટમાળ 8 માળ જેટલો

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પનો પ્લાઝા જે 34 માળનો હતો તેને ફક્ત 20 સેકંડથી પણ ઓછા સમયમાં 3000 ડાયનામાઈટથી ઉડાડી દેવાયો છે. માહિતિ મળી રહી છે કે જ્યારે આ પ્લાઝા ઉડાડી દેવાયો ત્યારે તેને જોવા માટે પણ ખાસ વ્યવસ્થા કરાઈ હતી.

આ સમયે શહેરના મેયરે તેને ધરાશાયી કરવાના આપ્યા હતા આદેશ

શહેરના મેયર ગયા વર્ષે જૂન મહિનામાં જ આ બ્લિડિંગને પાડી દેવાના આદેશ આપ્યા હતા. હવે આ કામ ગયા બુધવારે પૂરું થયું છે. ઉલ્લેખનીય છે કે આ 34 માળનું પ્લાઝા 2014માં બંધ કરી દેવાયું હતું. જ્યારે બિલ્ડિંગને ધરાશાયી કરાયું ત્યારે તેને જોવા કોઈ તે જગ્યાએ હાજર ન રહ્યું પણ સાથે જ તેને જોવા માટે ખાસ લાઈવ સ્ટ્રીમિંગની વ્યવસ્થા કરાઈ હતી. 

ખૂબ જ ઝડપથી વાયરલ થઈ રહ્યો છે વીડિયો 

Atlantic City invited onlookers to watch as the city used a controlled demolition to bring down the Trump Plaza Hotel and Casino on the New Jersey waterfront pic.twitter.com/NlRP5v7hkP

— Reuters (@Reuters) February 17, 2021

જે રીતે 34 માળના પ્લાઝાને 20 સેકંડથી પણ ઓછા સમયમાં ધરાશાયી કરાયું તેનો વીડિયો સોશ્યલ મીડિયામાં ચાલી રહ્યો છે. મેયરે કહ્યું કે આ પ્લાઝાને પાડ્યા બાદ તેનો કાટમાળ જ 8 માળ જેયલો ઉંચો છે. શક્ય છે તેને હટાવવા માટે લગભગ જૂન મહિના સુધીનો સમય લાગશે. આ પ્લાઝા એક જાણીતી ફિલ્મ ઓશન 11માં પણ જોવા મળ્યો છે. આ પ્લાઝામાં પોપ સુપર સ્ટાર મેડોનાથી લઈને રેસલર હેલ્ક હોગન, મ્યુઝિક લેજેન્ડ કીથ રિચર્ડ્સ અને સુપર સ્ટાર એક્ટર જૈક નિકલસન એન્ટ્રી લઈ ચૂક્યા હતા.