મંજૂરી / કોરોનાના કહેરની વચ્ચે અમેરિકાએ આપી Pfizer વેક્સીનને ઈમરજન્સી ઉપયોગની મંજૂરી

• અમેરિકામાં ફાઈઝરના ઈમરજન્સી ઉપયોગને મળી મંજૂરી
• મોર્ડના પાસેથી પણ 100 મિલિયન વેક્સીન ડોઝ ખરીદશે અમેરિકા
• કોરોના મહામારીમાં 2 લાખથી વધુ લોકોએ અમેરિકામાં ગુમાવ્યો છે જીવ
   

શુક્રવારે અમેરિકી સરકારના એક સલાહકારે ફાઈઝર વેક્સીનના ઈમરજન્સી ઉપયોગની મંજૂરી આપી છે. આ માટે 8 કલાકની ચર્ચા ચાલી હતી. FDAની સલાહકાર સમિતિના સભ્યોએ 4ની સરખામણીએ 17 વોટથી વેક્સીનના ઈમરજન્સી ઉપયોગને મંજૂરી આપી હતી. ફાઈઝરની વેક્સીનને હાલમાં મળેલી મંજૂરી અંતરિમ છે. કંપનીએ અમેરિકામાં વેક્સીનને નિયમિત રીતે વેચવા ફરી એકવાર અરજી કરવાની રહેશે.  

 
આ દેશોને મળી ફાઈઝર વેક્સીનના ઈમરજન્સી ઉપયોગની મજૂરી

વેક્સીનના લાભને ધ્યાનમાં રાખીને એક્સપક્ટ્સ દ્વારા તેના ઉપયોગને મંજૂરી આપવામાં આવી રહી છે. ફાઈઝરના  ઈમરજન્સી ઉપયોગ માટે પહેલાંથી બ્રિટન, કેનેડા, બહેરીન અને સઉદી અરબે પરમિશન મેળવી લીધી છે. ભારતમાં પણ વેક્સીનના ઈમરજન્સી ઉપયોગની મંજૂરી માંગવામાં આવી છે.
 

 
કોરોનાથી અમેરિકામાં 24 કલાકમાં 3000 મોત
અમેરિકામાં ફાઈઝરની વેક્સીનના ઈમરજન્સી ઉપયોગની પરમિશન ત્યારે મળી છે જ્યારે અહીં 24 કલાકમાં 3000 મોત થયા છે. વેક્સીનના ઉપયોગની મંજૂરી મળ્યા બાદ અમેરિકાના નિર્વાચિત રાષ્ટ્રપતિ જો બાયડને કહ્યું કે આ ઘટનાક્રમ સમયે એક ચમત્કાર છે. આ વૈજ્ઞાનિકો અને રિસર્ચર્સને આભારી છે.