અમેરિકામાં રાષ્ટ્રપતિ ચૂંટણીનું પરિણામ હજુ સુધી સામે આવી શક્યું નથી. આ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે એકવાર ફરી પત્રકાર પરિષદ કરી અને ચૂંટણીમાં છેતરપિંડી (ફ્રોડ)નો આરોપ લગાવ્યો છે. ટ્રમ્પે કહ્યું કે જો માત્ર લીગલ મતની ગણતરી કરવામાં આવે તો હું આસાનીતી જીતી જઇશ, પરંતુ ફેક (ફ્રોડ) મતોની ગણતરી કરવામાં આવી રહી છે.
મતગણતરી વચ્ચે જ ડોનાલ્ડ ટ્રમ્પે કરી જાહેરાત
ડોનાલ્ડ ટ્રમ્પે પોતાની જીતની કરી જાહેરાત
અમે ઐતિહાસિક સંખ્યાથી જીત મેળવીઃ ટ્રમ્પ
પત્રકાર પરિષદમાં અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે અમને લાગે છે કે અમે આ ચૂંટણી આસાનીથી જીતી જઇશું. અમારી પાસે ઘણા પૂરાવા છે, અમે કોર્ટમાં આ લડાઇ લઇ જઇશું. મને લાગે છે કે અત્યાર સુધી અમેરિકાના ઇતિહાસમાં આટલી મોટી મતોની ચોરી ક્યારેય કરવામાં આવી નથી.
રાજ્યોમાં મતદાનને લઇને ડોનાલ્ડ ટ્રમ્પે કહ્યું કે કેટલાંક રાજ્યોમાં મે જીતનો દાવો કર્યો અને કેટલાંકમાં જો બાઇડેનને કર્યો, પરંતુ અંતમાં હવે કોર્ટ જ નક્કી કરશે કે કોણ જીત્યું. પરંતુ જે રીતે સ્કેમ થઇ રહ્યું છે, તેવું આ દેશમાં ન થવું જોઇએ.
જો બાઇડેન અને કમલા હેરિસે આપ્યો જવાબ
એક તરફ ડોનાલ્ડ ટ્રમ્પ સતત મેલ ઇન મતોને લઇને આરોપ લગાવી રહ્યાં છે પરંતુ બીજી તરફ જો બાઇડેન અને કમલા હેરિસે આ મતો પર વિશ્વાસ વ્યક્ત કર્યો છે. બંને તરફથી ટ્વિટ કરવામાં આવ્યું કે અમે લાંબા સમયથી આ લડાઇ પર ભરોસો રાખ્યો છે, લોકોએ ઇલેકશન ડે પહેલા જ મતદાન કર્યું. પરંતુ હવે ડોનાલ્ડ ટ્રમ્પ મતોની ગણતરી જ રોકવા માગે છે, અમારે ફાઇટબેક કરવી પડશે.