વોશિંગ્ટન / ડોનાલ્ડ ટ્રમ્પે અમદાવાદ આવવાનાં હરખમાં ને હરખમાં કર્યું આ ટ્વિટ, કહ્યું...

• ટ્રમ્પની ભારત યાત્રા ઐતિહાસિક અને સંપૂર્ણ સફળ રહેશેઃ નિષ્ણાતો 
• ડોનાલ્ડ ટ્રમ્પે ‌ટ્વિટ કર્યુંઃ ભારત જઈ પીએમ મોદીને મળવા હું આતુર છું
• ડોનાલ્ડ ટ્રમ્પની આગામી ભારત યાત્રા જોવી રસપ્રદ રહેશે : US નિષ્ણાંતો

ડોનાલ્ડ ટ્રમ્પે આજે ‌ટ્વિટ કરીને જણાવ્યું હતું કે મને લાગે છે આ શ્રેષ્ઠ સન્માન છે, નહીં? માર્ક ઝકરબર્ગે હાલમાં જ એવું કહ્યું હતું કે ફેસબુક પર ડોનાલ્ડ જે ટ્રમ્પ નંબર-1 છે. બીજા સ્થાને ભારતના વડા પ્રધાન મોદી છે. હકીકતમાં હું બે અઠવાડિયાંમાં ભારત જઈ રહ્યો છું. હું આ ઘડીની આતુરતાથી રાહ જોઈ રહ્યો છું. 

ઉલ્લેખનીય છે કે વિશ્વની બે મોટી લોકશાહી અમેરિકા અને ભારતના નેતાઓની આ મુલાકાત પર આખી દુનિયાની નજર છે. અમેરિકાના પ્રમુખ ડોનાલ્ડ ટ્રમ્પ અને ફર્સ્ટ લેડી મેલેનિયા ટ્રમ્પ આગામી 24 અને 25 ફેબ્રુઆરીએ બે દિવસની ભારત મુલાકાતે આવી રહ્યાં છે. તેઓ અમદાવાદ અને નવી દિલ્હીની મુલાકાત લેવાનાં છે.

અમદાવાદ ખાતે લાખો લોકો ડોનાલ્ડ ટ્રમ્પનું સ્વાગત કરશે. આ અઠવાડિયાની શરૂઆતમાં ટ્રમ્પે જણાવ્યું હતું કે ભારતના વડા પ્રધાન મોદીના કહેવા પ્રમાણે અમદાવાદ એરપોર્ટથી મોટેરા સ્ટેડિયમ ખાતે તેમના સ્વાગતમાં લાખો લોકો ખડેપગે રહેશે. 

દક્ષિણ એશિયાના મામલાના જાણીતા અમેરિકન નિષ્ણાતોએ કહ્યું છે કે ડોનાલ્ડ ટ્રમ્પની આગામી ભારત યાત્રા જોવી રસપ્રદ રહેશે અને તે ઘણાં પરિમાણ પર સંપૂર્ણ સફળ રહેશે. 21મી સદીના ત્રીજા દાયકામાં યુએસ પ્રેસિડેન્ટની આ પહેલી દ્વિપક્ષીય મુલાકાત હશે અને મહાભિયોગ સુનાવણી વખતે સેનેટમાંથી નિર્દોષ જાહેર થયા બાદની તેમની આ પહેલી યાત્રા છે.

Great honor, I think? Mark Zuckerberg recently stated that “Donald J. Trump is Number 1 on Facebook. Number 2 is Prime Minister Modi of India.” Actually, I am going to India in two weeks. Looking forward to it!

— Donald J. Trump (@realDonaldTrump) February 14, 2020

કાર્નેગી એન્ડાઉમેન્ટ ફોર ઇન્ટરનેશનલ પીસના સિનિયર ફેલો એશ્લે ટેલિસે જણાવ્યું હતું કે મને લાગે છે કે ટ્રમ્પની યાત્રા જોવી રસપ્રદ રહેશે અને તે ઘણાં પરિમાણ પર સંપૂર્ણ સફળતા પણ પ્રાપ્ત કરશે. ટેલિસે કહ્યું કે જોકે આ યાત્રાથી બંને દેશ વચ્ચેના વેપાર વિવાદનું સમાધાન થશે કે કેમ તે હજુ અનિશ્ચિત છે.