રિપોર્ટ / ''11780 વોટનું જુગાડ કરો'' ડોનાલ્ડ ટ્રમ્પની ફોન રેકોર્ડીંગ સામે આવતા અમેરિકામાં ખળભળાટ

• અમેરિકાની રાષ્ટ્રપતિની ચૂંટણીમાં ટ્રમ્પ હાર્યા
• જીત મેળવવા કરી રહ્યા છે અનેક પ્રયાસ
• અધિકારીને જીત માટે વોટનો જુગાડ કરવા કહ્યું

 
મળતી માહિતી અનુસાર શનિવારે આ રેકોર્ડિંગ જાહેર કરાઈ છે. આ રેકોર્ડિંગમાં ટ્રમ્પ રિપબ્લિકન સેક્રેટરી ઓફ સ્ટેટ બ્રેડ રેફેનસ્પર્જરને કહી રહ્યા છે કે હું બસ 11780 વોટ ઈચ્છું છું. તેની વ્યવસ્થા કરો. આ સાથે જવાબમાં અધિકારી ટ્રમ્પને કહી રહ્યા છે કે જ્યોર્જિયાના પરિણામો યોગ્ય છે. હવે કંઈ થઈ શકે તેમ નથી.

President Trump pressured Georgia Secretary of State Brad Raffensperger, a fellow Republican, to ‘find’ enough votes to overturn his defeat to Joe Biden in the state, according to audio of a Saturday phone call obtained by the Washington Post https://t.co/Bq11goyumy

— Reuters (@Reuters) January 3, 2021

જો બાયડને જ્યોર્જિયામાં મેળવી છે જીત

ડેમોક્રેટ ઉમેદવાર જો બાયડને રાષ્ટ્રપતિ ચૂંટણીમાં જ્યોર્જિયામાં જીત મેળવી લીધી છે. અમેરિકાના 50 રાજ્યોમાં ઈલેક્ટોરલ કોલેજમાં જો બાયડનને 306 વોટ મળ્યા હતા જ્યારે ટ્રમ્પના ભાગમાં 232 વોટ આવ્યા હતા. ચૂંટણીમાં જીત માટે કોલેજને 270 મતની જરૂર રહે છે. મતદાન બાદથી રાષ્ટ્રપતિ ટ્રમ્પ મોટા પાયે દગો થયો હોવાનો આરોપ લગાવી રહ્યા છે.
 

આ પહેલાં પણ એક રિપોર્ટમાં કહેવાયું હતું કે અમેરિકામાં રિપબ્લિકન પાર્ટીના અનેક સાંસદ રાષ્ટ્રપતિ ચૂંટણીના પરિણામોને બદલવા માટે ડોનાલ્ડ ટ્રમ્પની કોશિશમાં સાથ આપી રહ્યા છે. ટ્રમ્પ સતત પ્રયાસ કરી રહ્યા છે કે ઔપચારિક રીતે ઈલેક્ટોરલ કોલેજ  વોટની ગણતરી અને જો બાયડનની જીત પર મોહર લગાવવા માટે આવનારા અઠવાડિયામાં જ્યારે કોંગ્રેસનું ,સત્ર આયોજિત કરાશે. ત્યાં સુધી પરિણામને નકારી દેવામાં આવે.