અમેરિકા / રક્ષામંત્રીનું પેન્ટાગનમાં ભવ્ય સ્વાગત કરાયું, સમકક્ષ લૉયડ જે. આસ્ટિન અને જો બાઇડન સાથે કરી મુલાકાત

• ભારત અને અમેરિકા વચ્ચે 2+2 વાતચીત 
• PM મોદી અને અમેરિકી રાષ્ટ્રપતિ વચ્ચે વર્ચ્યુઅલ બેઠક
• અમેરિકી રક્ષામંત્રી અને વિદેશમંત્રી સાથે બેઠક કરી

ભારત અને અમેરિકા વચ્ચે 2+2 વાતચીત માટે રક્ષામંત્રી રાજનાથસિંહ વૉશિંગ્ટન ડીસી પહોંચ્યા છે. પાંચ દિવસીય પ્રવાસ દરમિયાન સોમવારે પેંટાગન કાર્યાલયમાં અમેરિકન રક્ષામંત્રી લૉયડ જે. આસ્ટિને તેમનું ભવ્ય સ્વાગત કર્યું. જ્યારબાદ અહીં તેમને ગાર્ડ ઓફ ઓનર આપવામાં આવ્યું. અહીં તેમના સમકક્ષ અમેરિકન રક્ષામંત્રી લૉયડ જે. આસ્મિનની સાથે ચોથી 2+2 વાતચીત કરી. જેમાં વિદેશ મંત્રી એસ. જયશંકર પણ સામેલ થયા.

અહીં તેમણે અમેરિકન રાષ્ટ્રપતિ જો બાઇડને સાથે પણ મુલાકાત કરી. રક્ષા મંત્રી રાજનાથસિંહે જણાવ્યું કે, વોશિંગટનમાં વ્હાઇટ હાઉસમાં આજે અમેરિકન રાષ્ટ્રપતિ જો બાઇડન સાથે મુલાકાત કરી. ભારત-અમેરિકા વર્ચ્યુઅલ શિખર સંમેલનમાં ભાગ લીધો જેને પીએમ મોદી અને અમેરિકન રાષ્ટ્રપતિએ સંબોધિત કરી.

Met with US President Joe Biden at the White House in Washington today. Attended the India-US virtual summit which was addressed by Prime Minister Narendra Modi and the US President: Defence Minister Rajnath Singh

(Source: Defence Minister's Twitter account) pic.twitter.com/nMf8b2C9Ft

— ANI (@ANI) April 11, 2022

રક્ષામંત્રીએ અમેરિકન રક્ષા મંત્રી લોયડ જે. આસ્ટિન સાથે મુલાકાત અંગે ટ્વિટ કરીને જણાવ્યું. તેમણે જણાવ્યું કે, આજે પેન્ટાગનમાં અમેરિકન રક્ષા મંત્રી લોયડ જે. આસ્ટિનની સાથે શાનદાર મુલાકાત થઈ. આ દરમિયાન અમે દ્વિપક્ષીય રક્ષા સહયોગના તમામ મુદ્દાઓ અને ક્ષેત્રીય સુરક્ષા સ્થિતિની સમીક્ષા કરી. તેમની આ મુલાકાત અંગે રક્ષા મંત્રાલયે માહિતી આપી છે.

Jaishankar, Rajnath Singh hold separate bilateral talks with US counterparts

Read @ANI Story | https://t.co/smcZmoHhj4#jaishankar #RajnathSingh #India #BilateralTalks #IndiaUSTalks pic.twitter.com/UmXh5WbR2X

— ANI Digital (@ani_digital) April 11, 2022

રક્ષા મંત્રાલયે જણાવ્યું કે બન્ને મંત્રીઓએ દ્વિપક્ષીય રક્ષા સહયોગ અને ક્ષેત્રીય સુરક્ષા સ્થિતિના તમામ મુદ્દાઓની સમીક્ષા કરી. બન્ને મંત્રીઓએ હિન્દ-પ્રશાંત અને વ્યાપક હિન્દ મહાસાગર વિસ્તારમાં શાંતિ, સ્થિરતા અને સમૃદ્ધિ માટે ભારત-અમેરિકા રક્ષા ભાગીદારીનો મહત્વ સ્વીકાર કર્યો. મંત્રાલયે વધુમાં કહ્યું બન્નેને રક્ષા ઉદ્યોગો વચ્ચે ઘનિષ્ટ સહયોગના રસ્તા પર વિચાર કર્યો. રક્ષા મંત્રાલયે ભારત અને અમેરિકા કંપનીઓની વચ્ચે સહ વિકાસ, સહ ઉત્પાદનની આવશ્યક્તાને રેખાંકિત કરી અને રક્ષા ઉપકરણોના નિર્માણ અને સંરક્ષણ માટે અમેરિકન કંપનીઓને ભારતમાં આમંત્રિત કરી.

પુતિનને ઝેલેન્સ્કી સાથે સીધી વાતચીતનું સૂચન કર્યું : વર્ચ્યુઅલ બેઠકમાં PM મોદીનું નિવેદન

પ્રધાનમંત્રી નરેન્દ્ર મોદી અને અમેરિકી રાષ્ટ્રપતિ જો બાઈડન વચ્ચે વર્ચ્યુઅલી બેઠક યોજાઈ હતી. આ બેઠકમાં અનેક મુદ્દાઓ પર બંને નેતાઓ વચ્ચે ચર્ચા થઈ હતી. સાથે જ રશિયા-યુક્રેન યુદ્ધ વિશે પણ ચર્ચા કરવામાં આવી હતી. આ દરમિયાન પ્રધાનમંત્રી નરેન્દ્ર મોદીએ બુચામાં નિર્દોષ નાગરિકોની હત્યાનો પણ ઉલ્લેખ કર્યો હતો. PM મોદીએ કહ્યું કે, ભારત સરકારે આની નિંદા કરી અને આ ઘટનાની નિષ્પક્ષ તપાસની માંગ ઉઠાવી છે. સાથે જ યુક્રેન સંકટ પર ભારત સરકાર દ્વારા લેવામાં આવેલી પહેલનો પણ ઉલ્લેખ કર્યો હતો. જો બાઇડને કહ્યું કે ભારત-અમેરિકા આર્થિક અને રક્ષા ક્ષેત્રમાં ભાગીદારને આગળ વધારવા માટે પ્રતિબદ્ધ છે. આપને જણાવી દઈએ કે, આ બેઠક બંને દેશો વચ્ચે 'ટુ પ્લસ ટુ' મંત્રી સ્તરની વાટાઘાટો વચ્ચે થઈ હતી.