શપથ લેતા પહેલાં જ અમેરિકાના નવ નિર્વાચિત રાષ્ટ્રપતિ જો બાયડને અમેરિકાની અર્થવ્યવસ્થાને પાટા પર લાવવા માટે મોટા પગલાં લીધા છે. જેમાં તેઓએ 1.9 ટ્રિલિયન ડોલરના રાહત પેકેજની જાહેરાત કરી છે. તેમાંથી દરેક અમેરિકીના ખાતામાં સીધા 1400 ડોલર આવશે. આ પેકેજમાં કોરોનાથી લડવા માટે 415 બિલિયન ડોલરની વ્યવસ્થા કરાઈ છે જ્યારે નાના બિઝનેસ માટે 440 બિલિયન ડોલરની જાહેરાત કરાઈ છે.
નવ નિર્વાચિત રાષ્ટ્રપતિ જો બાયડને કરી મોટી જાહેરાત
1.9 ટ્રિલિયન ડોલરના રાહત પેકેજની જાહેરાત કરી
આ રીતે નાગરિકો અને નાના બિઝનેસને મળશે ફાયદો
જો બાયડને ચૂંટણી પ્રચારના સમયે કોરોનાથી લડવા માટે મોટા પગલાં લેવાનો વાયદો કર્યો હતો. તેમની આ જાહેરાત એવા સમયે આવી છે જ્યારે અમેરિકામાં રોજ કોરોનાના 2 લાખ નવા કેસ આવી રહ્યા છે. જ્યારે રોજ 4 હજાર લોકોના મોત થઈ રહ્યા છે. ગુરુવારે મળેલી માહિતી અનુસાર બાયડને ક્હ્યં કે દેશની સ્વાસ્થ્ય વ્યવસ્થા ચેલેન્જનો સામનો કરી રહી છે. આપણે તેની પર પગલાં લેવા જોઈએ. ઠોકરો ખાઈશું પણ સાથે ઈમાનદાર પણ રહીશું.
વેક્સીન પર કરાશે 20 બિલિયન ડોલરનો ખર્ચ
બાયડન દર અમેરિકીને વેક્સીન આપવા માટે 20 બિલિયન ડોલર ખર્ચ કરવા ઈચ્છે છે. ઉલ્લેખનીય છે કે ડોનાલ્ડ ટ્રમ્પના કાર્યકાળમાં 2 વેક્સિનને અમેરિકામાં ઈમરજન્સી અપ્રૂવલ મળ્યું છે. હવે અધિકારીઓનું કહેવું છે કે વેક્સીનેશનમાં ઝડપ લાવવાની રહેશે. બાયડને ક્હ્યું કે તેઓ દેશમાં દરેક જગ્યાએ વેક્સિન પહોંચશે અને સાથે દેશમાં કોરોનાના ટેસ્ટિંગને પણ વધારવામાં આવશે.
સતત વધી રહી છે બેરોજગારી
અમેરિકામાં આ સમયે બેરોજગારી સતત વધી રહી છે. હાલમાં જ્યાં લગભગ 18 મિલિયન લોકો બેરોજગાર છે. બાયડનની આ નવી જાહેરાતથી તેમની નોકરી નથી તેમને 200 ડોલર દર અઠવાડિયાના બદલે 400 ડોલર મળશે. નવ નિર્વાચિત રાષ્ટ્રપતિએ દર કલાકે ન્યૂનતમ મજદૂરી પણ 15 ડોલરથી બમણી કરવાનો વાયદો કર્યો છે. કહેવાઈ રહ્યું છે કે ટ્રમ્પની પાર્ટી નવા ભારે ભરખમ પેકેજનો વિરોધ કરી શકે છે.