યુદ્ધ / ઈરાન-ઈઝરાયલ જંગ વચ્ચે આ ભારતીય કંપની પર અમેરિકાએ લગાવ્યો પ્રતિબંધ, કારણ જાણીને ચોંકી જશો

ઈરાન અને ઈઝરાયેલનું યુદ્ધ ચાલી રહ્યું છે અને તેની અસર દરેક દેશો પર પડી રહી છે. થોડા દિવસો પહેલા ઈરાન દ્વારા કરવામાં આવેલ હુમલાના વિરોધમાં હવે અમેરિકાએ એક મોટું પગલું ભર્યું છે. જો કે આની સીધી અસર ભારત પર પણ થઈ છે.

અમેરિકાએ ઈરાની ઓઇલને એશિયામાં ખરીદદારોને વેચવા માટે ગેરકાયદેસર રીતે પરિવહન કરતી ઘણી શિપિંગ કંપનીઓને પ્રતિબંધિત કરી છે અને આમાં એક ભારતીય કંપની પણ સામેલ છે. યુએસ સ્ટેટ ડિપાર્ટમેન્ટે આરોપ લગાવ્યો છે કે ભારત સ્થિત કંપની ગબ્બોરો શિપ સર્વિસિસ પણ કાચા તેલના ગેરકાયદેસર પરિવહનમાં સામેલ હતી.

ઈઝરાયેલ પર ઑક્ટોબર 1 ના હુમલા બાદ અમેરિકા એક્શન મોડમાં આવી છે અને તેને ઈરાનના ઉર્જા વેપાર એટલે કે તેલ અને પેટ્રોકેમિકલ્સ સેક્ટરને નિશાન બનાવ્યો છે. આ સાથે જ તેના પરિવહનને લઈને ઘણા નવા નિયંત્રણો લાદવામાં આવ્યા છે.

જે ભારતીય કંપનીને પ્રતિબંધિત કરી છે તેના વિશે વાત કરીએ તો ભારતીય કંપની ગબ્બોરો શિપ સર્વિસ તેના ટેન્કર હોર્નેટ દ્વારા એશિયન દેશોને ઈરાની તેલ સપ્લાય કરે છે. આ ટેન્કર ઈરાનથી પેટ્રોલિયમ ઉત્પાદનો સપ્લાય કરતા કહેવાતા 'ઘોસ્ટ ફ્લીટ' એટલે કે ભૂત કાફલાનો એક ભાગ છે.

વધુ વાંચો: 'ખાલી કરી નાખો વિસ્તાર', ઇઝરાયલે લેબનોનના 22 ગામોને આપી ચેતવણી, પછી 10 મિનિટમાં કરી 3 એર સ્ટ્રાઈક

અમેરિકાના વિદેશ મંત્રાલયે મોટો નિર્ણય લેતા ભારતીય કંપની વિશે આ વાત કહી હતી. આટલું જ નહીં એક ભારતીય કંપની સહિત ઈરાનના ઓઈલ બિઝનેસ સાથે જોડાયેલી દુનિયાભરની લગભગ એક ડઝન કંપનીઓ પર અમેરિકાના તાજેતરના પ્રતિબંધોના ઘેરામાં આવી ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ