IPLIN
 

VIDEO / અમેરિકામાં પોલીસની બર્બરતા: વીડિયો વાયરલ થતાં 3 ઓફિસરને સસ્પેન્ડ કર્યા, થશે હાઈ લેવલની તપાસ

Team VTV 03:03 PM, 22 Aug 22
Follow us
america arkansas officers suspended video social media police beating a man

અમેરિકાના અર્કાંસસ રાજ્યમાં પોલીસની બર્બરતાનો વધુ એક વીડિયો સામે આવ્યો છે, જે બાદ અર્કાંસસની ક્રોફર્ડ કાઉંટીમાં ત્રણ પોલીસ અધિકારીઓને રજા પર મોકલી દેવામાં આવ્યા છે.

  • અમેરિકામાંથી પોલીસની બર્બરતાનો એક વીડિયો સામે આવ્યો
  • એક શખ્સને પોલીસના ત્રણ ચાર અધિકારી દબોચીને ઢોર મારતા માર હોવાનું દેખાયુ
  • ઉચ્ચ લેવલની તપાસ થશે, તપાસ પુરી થયા બાદ સંબંધિત અધિકારીઓ પર લેવાશે મોટા એક્શન

સોશિયલ મીડિયા પર શેર કરવામાં આવેલા એક વીડિયોમાં તેમને પાર્કિંગમાં એક માણસને ઢોર માર મારતો દેખાડ્યા છે. ગવર્નરે કહ્યું કે, સ્ટેટ પોલીસ આ ઘટનાની તપાસ કરશે. સોશિયલ મીડિયા પર વાયરલ થઈ રહેલા વીડિયોમાં એક પોલીસે અધિકારી વારંવાર અને નિર્દયતાથી એક શખ્સને લાત ઘૂંસા મારી રહ્યો છે. અને ઘણી વાર સિમેન્ટની ફર્શ પર તેને માથુ પછાડી રહ્યો છે. એક અન્ય પોલીસ ઓફિસર તેના શરીરના નીચેલા ભાગે વારંવાર લાત મારતો દેખાય છે. જ્યારે ત્રીજો પોલીસ આ માણસને નીચે દબાવતો દેખાય છે. 

તેમાંથી બે પોલીસ અધિકારી ક્રોફર્ડ કાઉંટી શેરિફ કાર્યાલયમાં ફરજ પર હતા અને ત્રીજો મલબરી શહેરના પોલીસ વિભાગનો ઓફિસર છે. અર્કાંસસના ગવર્નર અસા હચિંસને કહ્યું કે, સ્ટેટ પોલીસ આ અરેસ્ટની ઘટનાની તપાસ કરશે. તેમણે એક ટ્વિટમાં કહ્યું કે, મેં અર્કાંસસ સ્ટેટ પોલીસના કર્નલ બિલ બ્રાંયટ સાથે વાત કરી છે અને ક્રોફર્ડ કાઉંટીમાં લોકલ અરેસ્ટની ઘટનાની તપાસનો વીડિયો પુરાવા અને અભિયોજનના પક્ષના વકીલના અનુરોધ અનુસાર કરવામાં આવશે. 

જ્યારે ક્રોફર્ડ કાઉંટીના શેરિફ જેમ્સ ડેમાંટે એક નિવેદનમાં કહ્યું હતું કે, ઘટનામાં સામેલ બે ડેપ્યુટીને તપાસના પરિણામ આવે ત્યાં સુધી સસ્પેન્ડ કરી દેવામાં આવ્યા છે. ડેમાંટે ફેસબુક પર પોસ્ટ કરેલા નિવેદનમાં કહ્યુ કે, તે પોતાના તમામ કર્મચારીઓને તેમના કામ માટે જવાબદાર ઠેરવે છે, અને આ મામલે યોગ્ય એક્શન લેવામાં આવશે. 

મલબરી પોલીસના એક અલગ નિવેદનમાં કહેવાયુ છે કે, વીડિયોમાં કેદ થયેલા ઘટનામાં એક ઓફિસર સામેલ હતો. તેને સ્ટેટ પોલીસની તપાસના પરિણામ આવે ત્યાં સુધી પ્રશાસનિક લીવ પર મોકલી દેવામાં આવ્યો છે. ફેસબુક પોસ્ટમાં કહેવાયુ છે કે, મલબરી સિટી પોલીસ વિભાગ આવી રીતે તપાસને બહુ ગંભીરતાથી લે છે. અમે તપાસ ખતમ થવા પર તુરંત યોગ્ય કાર્યવાહી કરશે. 

America arkansas Video Social Media Police
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ