મંજૂરી / ભારતની 'દવા' કામ કરી ગઈ? અમેરિકા તરફથી મળશે કરોડોની આ પાવરફૂલ વસ્તુઓ

• ભારતને મળશે અમેરિકાની આ મદદ
• કરોડો ડૉલરની મિસાઈલ આપશે અમેરિકા
• અમેરિકાની સંસદને કરવામાં આવી છે આ કરારની જાણકારી

કોરોના વાયરસ સંકટ વચ્ચે ભારતે ભૂતકાળમાં અમેરિકાને મદદ કરી હતી. તે પછી રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીનો આભાર માન્યો અને કહ્યું કે તેઓ આ મદદ ભૂલી નહીં શકે. હવે તેની અસર દેખાવવા માંડી છે. સોમવારે ટ્રમ્પ વહીવટીતંત્રે યુ.એસ. સંસદને માહિતી આપી હતી કે તે 15.5 કરોડ ડોલર (155 મિલિયન ડોલર)ના કરારમાં ભારતને હાર્પૂન બ્લોક 2 એર લોન્ચ મિસાઇલ અને ટોર્પિડોઝ આપશે.

જાણો કઈ મિસાઈલો મળશે ભારતને

આ કરારના આધારે ભારતને 10 AGM-84L હાર્પૂન એર લોન્ચ મિસાઈલો 92 મિલિયન ડોલરની કિંમતની  છે. જ્યારે  16 ML 54 રાઉન્ડ ટોર્પીડો- 3 MK 54 એક્સસાઈઝ ટોર્પિડોઝ 64 મિલિયન ડોલરની આપવામાં આવશે.  

મળતી માહિતી અનુસાર હાર્પૂન મિસાઈલ સિસ્ટમની મદદથી સમુદ્રી ક્ષેત્રોમાં સુરક્ષા વધારવામાં આવી શકે છે. અમેરિકા તેનો ઉપયોગ અનેક જ્ગ્યાઓએ કરતું આવ્યું છે. ભારત તેનો ઉપયોગ સંકટ સામે લડવામાં કરી શકે છે. અમેરિકા સતત ભારતને સમર્થન આપશે. 

આ રીતે બનશે ભારતને મળનારી મિસાઈલ

ભારતને મળનારી હાર્પૂન મિસાઈલનું નિર્માણ બોઈંગ દ્વારા કરવામાં આવશે. જ્યારો ટોર્પીડોને રેથિયોન કંપની બનાવશે. કહેવાય છે કે ભારત અને અમેરિકા છેલ્લા લાંબા સમયથી દોસ્ત રહી ચૂક્યા છે.સુરક્ષાની રીતે પણ બંને દેશો આગળ પણ દોસ્તીને વધારશે.