30 વર્ષથી વધુ સમયનું નેપ્ચ્યૂનનું સૌથી સ્પષ્ટ ચિત્ર જોવા મળ્યું, નાસાના જેમ્સ વેબ સ્પેસ ટેલિસ્કોપે વધુ એક અદભૂત કમાલ બતાવી.
નેપ્ચ્યૂન ગ્રહનું સૌથી સ્પષ્ટ ચિત્ર લેવામાં આવ્યું
વેબ ટેલિસ્કોપ દ્વારા તસવીર લેવામાં આવી છે
નેપ્ચ્યૂનની ભ્રમણકક્ષા 164 વર્ષની છે
નાસાના જેમ્સ વેબ સ્પેસ ટેલિસ્કોપે વધુ એક અદભૂત કમાલ કર્યું છે. નાસાએ તેના દ્વારા લેવામાં આવેલી નવી તસવીર જાહેર કરી છે. આ તસવીર નેપ્ચ્યૂન ગ્રહની છે, જેમાં તેની રિંગ્સ(વલયો) પણ જોવા મળે છે. આ 30 વર્ષથી વધુ સમયનું સૌથી સ્પષ્ટ ચિત્ર છે.નેપ્ચ્યૂનની સૌથી સ્વચ્છ અને નજીકનું ચિત્ર ત્યારે જોવા મળ્યું હતું જ્યારે વોયેજર 2 અવકાશયાન 1989 માં ગ્રહની નજીક ઉડાન ભરી હતી. વેબ ટેલિસ્કોપ દ્વારા લેવામાં આવેલી આ તસવીરમાં ઘણી બ્રાઇટ રિંગ્સ ઉપરાંત ઝાંખી ધૂળવાળી બેન્ડ પણ જોવા મળે છે.
Hey Neptune. Did you ring? 👋
Webb’s latest image is the clearest look at Neptune's rings in 30+ years, and our first time seeing them in infrared light. Take in Webb's ghostly, ethereal views of the planet and its dust bands, rings and moons: https://t.co/Jd09henF1F#IAC2022pic.twitter.com/17QNXj23ow
ત્રણ દાયકા પહેલા સ્પષ્ટ તસવીર જોવા મળેલ
નેપ્ચ્યૂન સિસ્ટમ એકસપર્ટ હેઇડી હેમેલે એક પત્રકાર પરિષદમાં જણાવ્યું હતું કે, "અમે છેલ્લે ત્રણ દાયકા પહેલા આ અસ્પષ્ટ, ધૂંધળી રિંગ જોઈ હતી." આ પહેલીવાર છે જ્યારે અમે તેને ઇન્ફ્રારેડમાં જોય છે. મીડિયાના એક અહેવાલ અનુસાર યુરોપિયન સ્પેસ એજન્સી (ESE)એ જણાવ્યું હતું કે 1846માં તેની શોધ બાદથી નેપ્ચ્યુને સંશોધકોને આકર્ષ્યા છે તેમજ તેમને આશ્ચર્યચકિત પણ કર્યા છે.
મીથેનની હાજરીના કારણે વાદળી રંગ
નોંધપાત્ર વાત છે કે નેપ્ચ્યૂન એ આપણી પૃથ્વીની તુલના કરતા સૂર્યથી 30 ગણું વધુ દૂર આવેલું છે. તે જ સમયે, આપણે હંમેશા નેપ્ચ્યુનને વાદળી ગ્રહ તરીકે જોઈએ છીએ. આ મિથેનની હાજરીને કારણે થાય છે. તે ગુરુ અને શનિની તુલનામાં હાઇડ્રોજન અને હિલિયમ જેવા ભારે તત્વોથી સમૃદ્ધ છે.
That’s no star. It’s Neptune’s large, unusual moon, Triton! Because Triton is covered in frozen, condensed nitrogen, it reflects 70% of the sunlight that hits it — making it appear very bright to Webb. 6 of Neptune’s other moons (labeled) are also seen here. pic.twitter.com/xJCsE8bn3q
નેપ્ચ્યૂનની ભ્રમણકક્ષા 164 વર્ષની
પરંતુ જ્યારે આપણે જેમ્સ વેબ ટેલિસ્કોપની નજીક-ઇન્ફ્રારેડ કેમેરાની ઇમેજ જોઈએ છીએ, ત્યારે નેપ્ચ્યુન વાદળી દેખાતો નથી. આનું કારણ એ છે કે તે નજીકની-ઇન્ફ્રારેડ રેન્જમાં પ્રકાશને પકડે છે. આ તમામ બાબતો ઉપરાંત આ તસવીરમાં વિષુવવૃત્ત પર ચક્કર લગાવતી પાતળી ચમકદાર રેખા પણ જોઇ શકાય છે. નેપ્ચ્યૂનની ભ્રમણકક્ષા 164 વર્ષની છે, જેના કારણે તેનો ઉત્તર ધ્રુવ સારી રીતે દેખાતો નથી. પરંતુ પહેલીવાર વેબ ટેલિસ્કોપ તેની આવી તસવીર ખેંચવામાં સફળતા મળી છે.