તાલિબાનએ અમેરિકાને ચેતવણી આપી હતી તે અફઘાનિસ્તાનમાં હિંસાના 7 દિવસમાં થયેલા ઘટાડાને પગલે જવાબ આપો નહીંતર તે વાતચીતથી પીછેહટ કરી લેશે. આ શરતના જવાબમાં ડોનાલ્ડ ટ્રમ્પ સશર્ત તૈયાર થયા છે અને તેમણે એક શરત મુકી છે. જાણો અમેરિકાએ શું શરત મુકી છે.
તાલિબાન સાથે શાંતિ સમજૂતિને ડોનાલ્ડ ટ્રમ્પની સશર્ત મંજૂરી
તાલિબાન 7 દિવસમાં હિંસામાં ઘટાડો કરે તો જ શાંતિ સમજૂતિ
તાલિબાને સમજૂતિના પક્ષમાં સકારાત્મક વલણ અપનાવ્યું
ટ્રમ્પે શરત રાખી છે કે સમજૂતિ પર હસ્તાક્ષર ત્યારે જ થશે જ્યારે...
અમેરિકી રાષ્ટ્રપતિ ડોનાલ્ડ ટ્રમ્પે આતંકી સંગઠન તાલિબાન સાથે શાંતિ સમજૂતિને સશર્ત મંજૂરી આપી દીધી છે. ટ્રમ્પે શરત રાખી છે કે સમજૂતિ પર હસ્તાક્ષર ત્યારે જ થશે જ્યારે તાલિબાન આ મહિનાના છેલ્લા 7 દિવસમાં કોઈ હિંસા ન કરે. અમેરિકી વિદેશ મંત્રી માઈક પોમ્પિયોએ આ અંગે અફઘાનિસ્તાનના નેતાઓ સાથે વાત કરીને જાણકારી આપી છે.
તાલિબાન અને અફઘાન સરકાર વચ્ચે સીધી વાતચીત
અમેરિકાના એક વરિષ્ઠ રાજદૂતના જણાવ્યાં મુજબ તાલિબાને પણ આ સમજૂતિનાં પક્ષમાં સકારાત્મક પગલાની જાણકારી આપી છે. જો આ સમજૂતિ પર હસ્તાક્ષર થઈ જશે તો અમેરિકા અફઘાનિસ્તાનમાંથી પોતાની સેનાને પરત બોલાવવાનું કામ શરૂ કરી દેશે. સાથે જ અફઘાનિસ્તાનના ભવિષ્ય માટે તાલિબાન અને અફઘાન સરકાર વચ્ચે સીધી વાતચીત પણ શરૂ થઈ શકશે.
યુદ્ધને પુર્ણ કરવાની દિશામાં અમેરિકા પ્રયાસ કરી રહ્યું છે
ઉલ્લેખનીય છે કે તાલિબાન ખાડી દેશ કતરની રાજધાની દોહામાં પોતાનું રાજનીતિક કાર્યાલય ચલાવે છે. અહીં જ તે ખાલિજાદ ઘણીવાર તાલિબાની પ્રતિનિધિઓ સાથે બેઠક કરે છે. જેમાં અફઘાનીસ્થાનમાં છેલ્લા 18 વર્ષોથી ચાલતા યુદ્ધને પુર્ણ કરવાની દિશામાં અમેરિકા પ્રયાસ કરી રહ્યું છે. અમેરિકા ત્યાંથી પોતાનું સૈન્ય પાછું બોલાવવાની કવાયત કરી રહ્યું છે.