રાજનીતિ / બાઈડને 'હત્યારા' કહ્યું ને પુતિન ભડક્યાં, આપી ખુલ્લી ચૅલેન્જ, જાણો બંને દેશો વચ્ચે તણાવ કેમ વધ્યો

• બાયડન સરકારે બદલી ટ્રમ્પની વિદેશનીતિ
• ચીન કરતા રશિયા પર કર્યું ફોકસ 
• બંન્ને રાષ્ટ્ર વચ્ચે શીત યુદ્ધ થવાની સંભાવના 

તાજેતરમાં જ તેમણે પોતાના નિવેદનમાં સ્પષ્ટ કર્યું હતું કે, તેઓ રશિયાની કોઇપણ વાતનો જવાબ ડબલ ઝડપથી આપશે અને તેઓ આવું કરી પણ રહ્યા છે. એક ઇન્ટરવ્યૂ દરમિયાન તેમણે પુતિન પર પોતાના વિરોધીઓની હત્યાના ષડયંત્રનો આરોપ લગાવ્યો હતો. 

બાયડન પાસે છે આવું કારણ

આ પહેલા પુતિનના વિરોધી અલેક્સી નવલનીને છોડવાની માગ અમેરિકા કરી ચૂક્યું છે. જ્યારે આ રશિયાનો આંતરિક મામલો છે. આ સિવાય કથિત રીતે બાયડનની પાસે તે રિપોર્ટ છે, જેમાં વર્ષ 2020ની ચૂંટણીમાં પુતિન ડોનાલ્ડ ટ્રમ્પની મદદ કરવાનો પ્રયાસ કરી રહ્યા હતા. માનવામાં આવી રહ્યું છે કે, આ વાતને લઈને બાયડન ખાસ કરીને પુતિન પર ભડક્યા છે. 

બંન્ને રાષ્ટ્ર વચ્ચે શીત યુદ્ધ થવાની સંભાવના 

તાજેતરમાં મામલાઓ સિવાલ એવું લાગે છે કે, નવું અમેરિકન તંત્ર જુની વિચારધારા પર નીતિ બનાવી શકે છે, જેમાં અમેરિકા રશિયાને દુશ્મન માની રહ્યું છે. સ્થિતિ એટલું ઝડપથી બદલાઇ રહી છે કે, રશિયા અને અમેરિકા વચ્ચે તણાવ શીત યુદ્ધમાં બદલવાની આશંકા પણ વ્યક્ત કરવામાં આવી રહી છે. શીત યુદ્ધ બીજા વિશ્વ યુદ્ધ બાદના સમયમાં થયું હતું. જેના કારણે રાજકીય અને આર્થિક બદલાવ આવ્યો હતો. આ શબ્દનો પ્રથમ ઉપયોગ બ્રિટિશ લેખક જ્યોર્જ ઓરવેલ(George Orwell)એ 1945માં કર્યો હતો અને ત્યારબાદ તે ચલણમાં આવ્યો હતો. 

વિચારધારાને લઈને વધ્યો તણાવ

શીત યુદ્ધ શરૂ થવાનું અને ખતમ થવાની કોઇ ચોક્કસ તારીખ નથી પરંતુ 1945થી 1989ની વચ્ચેનો સમયગાળો હતો. અસલમાં ત્યારે તત્કાલીન સોવિયત સંઘ અને અમેરિકા વચ્ચે તણાવ ખૂબ જ વધી ગયો હતો. તેની પાછળ રાજકીય વિચારધારાને દોષ આપવામાં આવી રહ્યો છે. જેમ કે અમેરિકામાં પૂંજીવાદને માનવામાં આવે છે તો રશિયમાં કમ્યુનિઝમને. બંન્ને એવું માની રહ્યા છે કે તેમની સિસ્ટમ વધુ ઉત્તમ છે. 

વિશ્વ બે શિબિરમાં વહેંચાયું

બીજા વિશ્વ યુદ્ધ બાદ તેની શરૂઆત થઇ હતી. તે સમયે યુનાઇટેડ સ્ટેટ્સ અને સોવિયત સંઘ સૌથી શક્તિશાળી દેશો હતા અને તેમના કહેવાની અસર અન્ય દેશો પર  પણ પડી હતી. બંને દેશોએ અન્ય દેશોને તેમની રીતે ચલાવવાનું વિચારવાનું શરૂ કર્યું. યુરોપમાં તેને કેવી રીતે વિભાજીત કરવું તે અંગે તેમનામાં મતભેદો હતા. આ વિચારધારાની લડાઇમાં બ્રિટન અને ઘણા યુરોપિયન દેશો અમેરિકા સાથે આવ્યા હતા. તેઓએ નાટોની રચના કરી. તે જ સમયે, સોવિયત સંઘે પૂર્વી યુરોપના દેશો સાથે વોરસા કરાર પર હસ્તાક્ષર કર્યા.
 
બંન્ને રાષ્ટ્રો એકબીજાને વિવિધ મોરચે પછડાટ આપવા માટે કરી રહ્યા છે પ્રયાસ

સ્પેસમાં સેટેલાઇટ મોકલવાની હોડ જામી છે તો પરમાણુ હથિયાર બનાવવાની પણ હોડ લાગી છે.  બંન્ને રાષ્ટ્રો અન્ય ગરીબ દેશોની આડ લઈ રહ્યા છે. કાંગો, કોરિયા, ઇથિયોપિયા, સોમાલિયા જેવા દેશોમાં સતત ગૃહ યદ્ધ જેવી સ્થિતિ છે ત્યારે બંન્ને રાષ્ટ્રોએ પોતાની સેના હાલત પર કાબૂ લાવવા માટે મોકલી છે.