ભારત દ્વારા 59 ચીનની એપ્સ પર પ્રતિબંધ મુકવામાં આવ્યાં બાદ હવે અમેરિકા અને ઓસ્ટ્રેલિયા પણ TikToK સહિત ઘણી એપ્સ પર રાષ્ટ્રીય સુરક્ષાનો હવાલો દઇને પ્રતિબંધ મુકવાની તૈયારી કરી રહ્યાં છે. ઓસ્ટ્રેલિયામાં જ્યાં સંસદીય સમિતિ જલ્દી આ નિર્ણય પર પોતાની મહોર લગાવી શકે છે ત્યારે અમેરિકાના વિદેશ મંત્રી માઇક પોમ્પિયોએ પણ કહ્યું છે કે તેઓ જલ્દી જ ચીનની એપ્સ પર સુરક્ષાની દ્રષ્ટિએ પ્રતિબંધ લગાવી શકી છે.
ભારતમાં સુરક્ષાના કારણે ટિક ટોક, યૂસી બ્રાઉઝર જેવી 59 એપ્સ પર પ્રતિબંધ મૂકી દીધો હતો. હવે ઓસ્ટ્રેલિયા અને અમેરિકા પણ રાષ્ટ્રીય સુરક્ષા અને યૂઝર્સના ડેટાની સુરક્ષાને ધ્યાનમાં લઇને ટિકટૉક બેન કરી શકે છે.
ઉલ્લેખનીય છે કે ઓસ્ટ્રેલિયામાં 16 લાખથી વધારે લોકો ટિકટૉક યૂઝ કરે છે. ઓસ્ટ્રેલિયા સીનેટર જેની મેકએલિસ્ટરે કહ્યું, ટિકટૉક કંપનીના અધિકારીઓએ તપાસમાં સહયોગ કરવો જોઇએ.
ઓસ્ટ્રેલિયાની સ્ટ્રેટજિક પૉલિસી સંસ્થાનના એક્સપર્ટ ફર્ગસ રયાને કહ્યું ટિકટૉક સંપૂર્ણ રીતે પ્રોપેગેંડા અને માસ સર્વિલાંસ માટે છે. જેમાં ચીન વિરુદ્ધ આપવામાં આવતા વિચાર સેંસર કરી દેવામાં આવે છે.
ઓસ્ટ્રેલિયાના લિબરલ સાંસદ અને ઇંટેલિજેંસ એન્ડ સિક્યોરિટી કમિટિના અધ્યક્ષ એન્ડૂ હેસ્ટીએ ફેબ્રુઆરીમાં એ દાવો કર્યો હતો કે એપ રાષ્ટ્રીય સુરક્ષા માટે ખતરો છે. હેસ્ટીએ જણાવ્યું કે ચીનનો ઇંટેલિજેંસ કાયદા 2017 મુજબ, ચીનની સરકાર ક્યારેય પણ કોઇ કંપનીઓને જાણકારી શેર કરવા માટે કહી શકે છે.
અમેરિકામાં પણ લાગશે પ્રતિબંધ
અમેરિકાના વિદેશ મંત્રી માઇક પોમ્પિયોએ પણ સોમવારે કહ્યું કે જલ્દી જ ચીનની કેટલીક સોશિયલ મીડિયા એપ્સ જેમાં ટિકટૉક સામેલ છે તેના પર પ્રતિબંધ લગાવામાં આવી શકે છે. ફોક્સ ન્યૂઝ સાથેની વાતચીતમાં પોમ્પિયોએ કહ્યું કે અમે તેના પર ગંભીરતાથી વિચાર કરી રહ્યાં છીએ અને જલ્દી જ કોઇ મોટો નિર્ણય લઇ શકીએ છીએ.
US Secretary of State Mike Pompeo says that the United States is "certainly looking at" banning Chinese social media apps, including #TikTok: Reuters
(file pic) pic.twitter.com/fUzJKlQkSk