ચેતવણી / ઈરાનની ધમકીના પગલે અમેરિકાએ પોતાના નાગરિકોને ઈરાક છોડવા કહ્યું

• અમેરિકાની નાગરિકોને સલાહ
• તરત જ ઈરાક છોડી દે અમેરિકી નાગરિકો
• ઈરાને આપી બદલાની ધમકી

અમેરિકા દ્વારા એરસ્ટ્રાઈકમાં ઈરાનના કમાન્ડર જનરલ કાસિમ સુલેમાનીને મારી નાંખવામાં આવ્યો ત્યારથી સ્થિતિ બગડતી જઈ રહી છે. અમેરિકાએ ઈરાક- ઈરાન બોર્ડરની પાસે બગદાદ ઈન્ટરનેશનલ એરપોર્ટની પાસે આ હુમલો કર્યો હતો. હવે બગદાદમાં અમેરિકી દૂતાવાસે પોતાના તમામ નાગરકિકોને તરત જ ઈરાક છોડવા માટે કહ્યું છે. અન્ય તરફ ઈરાની રાષ્ટ્રપતિ હસન રુહાનીએ ટ્વિટ કરીને અમેરિકાને ચેતવણી આપી છે. 

તરત જ છોડી દો અમેરિકી નાગરિકઃ દૂતાવાસ

બગદાદમાં અમેરિકન દૂતાવાસે કથળતી પરિસ્થિતિને ધ્યાનમાં રાખીને શુક્રવારે બપોરે એક અખબારી યાદી બહાર પાડી હતી. આમાં, અહીં હાજર તમામ અમેરિકન નાગરિકો પાસેથી અમેરિકા પાછા ફરવાની સલાહ આપવામાં આવી છે. અખબારી યાદીમાં કહેવામાં આવ્યું છે કે બધા નાગરિકોએ તુરંત જ રવાના થવું જોઈએ, પછી ભલે તે અમેરિકા પરત ફરવું હોય અથવા બીજા દેશમાં જવું હોય.

અમેરિકાએ કરેલો હવાઈ હુમલો બગદાદ આંતરરાષ્ટ્રીય વિમાનમથકની નજીકનું છે. જનરલ કાસિમ સુલેમાની અને તેના સાથી કાર સાથે જઇ રહ્યા હતા, ત્યારે વાહનોને ડ્રોનથી ઉડાવી દેવામાં આવ્યા હતા. જો કે, એરપોર્ટ પર હજી પણ ફ્લાઇટ સુવિધાઓ કાર્યરત છે. 

અમેરિકી દૂતાવાસે આ વાતોનું ધ્યાન રાખવાનું કહ્યું

અમેરિકી દૂતાવાસ દ્વારા દરેક નાગરિકોએ 3 વાતોનું ધ્યાન રાખવાનું કહ્યું છે. ઈરાક ટ્રાવેલ ન કરો. અમેરિકી દૂતાવાસની પાસે ન જાઓ. નાની મોટી વાતો પર ચોકક્સથી ધ્યાન રાખો.

ઈરાન અમેરિકાના આ અપરાધનો લેશે બદલોઃ રુહાની

અમેરિકાના હવાઈ હુમલા બાદ ઇરાન ગુસ્સે છે અને અમેરિકાથી સતત બદલો માંગી રહ્યો છે. ઈરાનના રાષ્ટ્રપતિ હસન રુહાનીએ ટ્વિટ કરીને લખ્યું છે કે જનરલ કાસિમ સુલેમાની દ્વારા ઉભા કરવામાં આવેલા ઉગ્રવાદ સામેની લડતને ઉત્તેજિત રાખવામાં આવશે. અમેરિકા દ્વારા કરવામાં આવતા અતિરેકની બદલો લેવામાં આવશે.

The flag of General Soleimani in defense of the country's territorial integrity and the fight against terrorism and extremism in the region will be raised, and the path of resistance to US excesses will continue. The great nation of Iran will take revenge for this heinous crime.

— Hassan Rouhani (@HassanRouhani) January 3, 2020

ઉલ્લેખનીય છે કે અમેરિકી રાષ્ટ્રપતિ ડોનાલ્ડ ટ્રંપના આદેશ પર અમેરિકી ફોર્સે બગદાદ એરપોર્ટ પર હુમલો કર્યો. આ હુમલામાં ઈરાનની ફોર્સના મોટા કમાંડર જનરલ કાસિમ સુલેમાની સહિત કેટલાક અન્ય અફસરોના મોત થયા છે. ત્યારથી મિડલ ઈસ્ટની સ્થિતિ બગડતી જોવા મળી રહી છે.