એક્શન / અમેરિકાએ પાકિસ્તાન પર લીધું મોટું એકશન, આ પ્રોજેક્ટ પર લગાવ્યો પ્રતિબંધ, શહબાજ ફફડયા

અમેરિકી વિદેશ વિભાગે પાકિસ્તાનના સામે ગુરૂવારે મોટો નિર્ણય કર્યો છે. અમેરિકી વિદેશ વિભાગના પ્રવક્તા મૈથ્યૂ મિલરને કહ્યું છે કે પાકિસ્તાનના સામે તેમનું કડક વલણ યથાવત છે. અમેરિકાએ પાકિસ્તાનના બેલિસ્ટિક મિસાઈલ પ્રોજેક્ટમાં મળતી ચીની મદદ પર પ્રતિબંધ લગાવી દીધો છે.

જે ચીની સંસ્થાઓને બેન કરવામાં આવી છે તેના વિશે કહેવામાં આવી રહ્યું છે કે પાકિસ્તાનના બેલેસ્ટિક મિસાઈલ કાર્યક્રમની આપૂર્તિમાં તે શામેલ છે. હાલ અમેરિકાના આ નિર્ણય પર પાકિસ્તાનની તરફથી કોઈ જવાબ નથી આવ્યો.

અમેરિકી વિદેશ વિભાગે પાકિસ્તાનની બેલેસ્ટિક મિસાઈલ પ્રોજેક્ટ અને ટેક્નોલોજીના પ્રસારમાં શામેલ ચીનની પાંચ કંપનીઓ અને એક વ્યક્તિના સામે કાર્યવાહી કરી છે. અમેરિકી વિદેશ મંત્રાલયના આદેશ 13382 અનુસાર ખાસ કરીને બીજિંગ રિસર્ચ ઈન્સ્ટીટ્યુટ ઓફ ઓટોમેશન ફોર મશીન બિલ્ડિંગ ઈન્ડસ્ટ્રીને રજીસ્ટર્ડ કર્યું છે. આ કંપની સામૂહિક વિનાશના હથિયાર અને તેમના વિતરણના સાધનોના માધ્યમો પર કામ કરે છે.

ચીનની આ કંપનીઓ પર લગાવવામાં આવ્યો બેન

વિદેશ વિભાગના પ્રવક્તા મેથ્યૂ મિલરે કહ્યું કે RIAMBએ શાહીન-3 અને અબાબીલ પ્રણાલિયો સાથે જોડાયેલા ઉપકરણોમાં પાકિસ્તાનની મદદ કરી છે. અમેરિકાએ કહ્યું છે કે આ કંપનીએ પાકિસ્તાની મિસાઈલ પ્રોજેક્ટ માટે રોકેટ મોટર્સના પરીક્ષણ હેતુ ઉપકરણ ખરીદવામાં પાકિસ્તાનની સાથે કામ કર્યું છે.

તેની સાથે જ ચીની કંપનીઓ હુબેઈ હુઆચાંગડા ઈન્ટેલિજન્સ ઈક્વિપમેન્ટ કંપની, યુનિવર્સલ એન્ટરપ્રાઈઝ અને શીઆન લોંગડે ટેક્નોલોજી ડેવલોપમેન્ટ કંપનીની સાથે પાકિસ્તાન સ્થિત ઈનોવેટિવ ઈક્વિપમેન્ટ પર બેન લગાવવામાં આવ્યો છે. આ પ્રતિબંધમાં એક ચીની નાગરીકને પણ શામેલ કરવામાં આવ્યો છે. આ વ્યક્તિ પર આરોપ છે કે તેણે ચીનને ઉપકરણ પહોંચાડવામાં મદદ કરી છે.

અમેરિકી એક્શન પર શું બોલ્યુ ચીન?

અમેરિકાએ કહ્યું કે પાકિસ્તાનના બેલિસ્ટિક મિસાઈલ પ્રોજેક્ટના સામે તેમની કાર્યવાહી ચાલી રહી છે. પછી તે દુનિયાના કોઈ પણ ખુણાથી સંચાલિત થઈ રહ્યું હોય. બીજી તરફ ચીને અમેરિકાના તરફથી લગાવવામાં આવેલા આ પ્રતિબંધોનો વિરોધ કર્યો છે.

વધુ વાંચો: ડોભાલે રશિયાના રાષ્ટ્રપતિ સાથે યુક્રેન અંગે શું કરી વાતચીત, વીડિયો થયો જાહેર, પુતિન મોદીને મળવા આતુર

અમેરિકામાં સ્થિત ચીની દૂતાવાસના પ્રવક્તા લિયૂ પેંગ્યૂએ કહ્યું, "ચીન આ પ્રકારના એકતરફા પ્રતિબંધોનો આકરો વિરોધ કરે છે. આ પ્રકારના પ્રતિબંધનું આંતરરાષ્ટ્રીય કાયદા કે યુએસ સુરક્ષા પરિષદની સત્તામાં કોઈ આધાર નથી. બેઈજિંગ હંમેશા ચીની કંપનીઓ અને લોકોના હિતોનું નિશ્ચિતપણે રક્ષણ કરશે."

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ