અમદાવાદીઓને પાર્કિગની ચિંતામાંથી મુક્તિ મળશે. ઘરની બહાર નિકળ્યા બાદ અમદાવાદીઓને કાર પાર્કિગની ચિંતા વધુ સતાવતી હોય છે. જોકે એ ચિંતાનો અંત આવ્યો છે. અમદાવાદ કોર્પોરેશન દ્વારા AMDA PARK નામની એક એપ્લિકેશન બનાવવામાં આવી છે.
અમદાવાદીઓને વાહન પાર્કિંગની સમસ્યા હવે થશે હલ
અમદાવાદ કોર્પોરેશને બનાવી એક એપ્લિકેશન
ઘરેથી જ તમારી ગાડીનું પાર્કિગ બુક કરાવી શકશો
AMCની એપ્લિકેશન AMDA PARK પર તમે ઘરેથી બહાર નિકળતા પહેલા જ તમારી ગાડીનું પાર્કિગ બુક કરાવી શકશો. ભારતમાં પ્રથમ વખત આ સ્માર્ટ એપ્લિકેશન દ્વારા અમદાવાદના 125 સ્થળો માટેની પાર્કિગની માહિતી મળશે. હાલમાં 10 સ્થળો પરની પાર્કિગની વ્યવસ્થા કરવામાં આવી છે. ટુંકા ગાળામાં 125 સ્થળોની માહિતી ઉપલબ્ધ બનશે.
Show My Parking કંપની દ્વારા અમદાવાદ મ્યુનિસિપલ કોર્પોરેશન સાથે કોન્ટ્રાક્ટ કરીને એપ્લિકેશન ચાલુ કરવામાં આવી છે. બે કલાકના ફોર વહીલરના પાર્કિંગના 15 રૂપિયા અને ટુ વહીલરના 5 રૂપિયા ભાવ રાખવામાં આવ્યો છે.
શિવરંજની ક્રોસ રોડ અંડરબ્રિજ પાર્કિંગ
ઇન્કમ ટેક્સ ફ્લાઈ ઓવરબ્રિજ પાર્કિંગ
નારણપુરા AEC બ્રિજ પાર્કિંગ
હેલ્મેટ અંડરબ્રિજ પાર્કિંગ
સોલા નાનાજી દેશમુખ અંડરબ્રિજ પાર્કિંગ
ગોતા સુંદરસિંહ ભંડારી અંડરબ્રિજ પાર્કિંગ
રાણીપ રેલવે ઓવરબ્રિજ પાર્કિંગ
સોનીની ચાલી ક્રોસ રોડ અંડરબ્રિજ પાર્કિંગ
જશોદાનગર ક્રોસ રોડ બ્રિજ પાર્કિંગ
હાટકેશ્વર બ્રિજ પાર્કિંગ
ઠક્કરબાપા બ્રિજ પાર્કિંગ
11 પાર્કિંગ વ્યવસ્થા પર AMDA PARK એપ્લિકેશન અમલ કરી દેવામાં આવી છે. જો ઘરેથી નીકળતા પહેલા જ પાર્કિંગ બુક કરી લેશો તો તમે પહોંચશો ત્યારે તે પાર્કિંગ તમારા માટે રિઝર્વ હશે.
AMDA PARK એપ્લિકેશનમાં શુ હશે પ્રક્રિયા જાણી લો
AMDA PARK એપ્લિકેશન ડાઉનલોડ કરવાની રહેશે.
એપ્લિકેશન ડાઉનલોડ Map ખુલશે. જેમાં નીચે તારીખ, ટાઈમ, વ્હિકલ અને પાર્કિંગના ઓપશન બતાવશે.
તારીખ, ટાઈમના ઓપશનમાં ક્લિક કરશો એટલે તમારે કઈ તરીકે કેટલા વાગ્યે પાર્કિંગ કરવું છે તે સિલેક્ટ કરવાનું રહેશે.
વ્હિકલ ક્લિક કરશો એટલે ક્યાં પ્રકારનું વાહન છે તેના પર ક્લિક કરવાનું રહેશે.
ત્યારબાદ પાર્કિંગના ઓપશન પર ક્લિક કરશો એટલે ક્યા વિસ્તારના પાર્કિંગમાં તમે વાહન પાર્ક કરવાના છો, તેનું ઓપશન બતાવશે. તેના પર ક્લિક કરશો એટલે જે તારીખ, ટાઈમ, વાહનના પ્રકાર અને પાર્કિંગની માહિતી તેમજ બારકોડ આવી જશે. પાર્કિંગ સ્થળ પર પહોંચીને માત્ર બારકોડ બતાવવાનો રહશે. તમે જે ટાઈમ નક્કી કર્યા છે તે ટાઈમ પર તમારા વાહન માટે પાર્કિંગ રિઝર્વ હશે.