મહામારીમાં મલાઈ / અમદાવાદના આ એક કોર્પોરેટરે હોસ્પિટલોની લૂંટનો કર્યો પર્દાફાશ, AMCએ 57 હોસ્પિ.ને ફટકારી નોટિસ

• અમદાવાદની હોસ્પિટલો પર તવાઈ
• નિયત ચાર્જ કરતા વસૂલ્યા હતા વધુ ચાર્જ
• AMCએ 8 લાખના દંડની ફટકારી નોટિસ

કોરોનાની બીજી લહેરમાં દર્દીઓને લૂંટતી હોસ્પિટલનો પર્દાફાશ થયો છે. અમદાવાદ, રાજકોટ, વડોદરા, સુરત સહિતની હોસ્પિટલોને દંડ કરાયો છે. દર્દીઓને લૂંટતી ખાનગી હોસ્પિટલોને ફટકારી દંડાત્મક નોટીસ મોકવામાં આવી છે. જેમાં અમદાવાદ મહાનગરપાલિકાના આરોગ્ય વિભાગે એકસાથે સપાટો બોલાવ્યો છે. કોરોના મહામારીમાં AMCએ પૂર્વ ઝોનમાં 57 ખાનગી હોસ્પિટલો સાથે  MOU કર્યા હતા. ખાનગી હોસ્પિટલોમાં AMCના ક્વોટામાં દર્દીઓને દાખલ કરવામાં આવ્યા હતા. પરંતુ ખાનગી હોસ્પિટલોએ સરકારે નિયત કરેલા ચાર્જ કરતા વધારે બિલો AMCમાં મુક્યા હતા. ખાનગી હોસ્પિટલોએ નિયત ચાર્જ કરતા વધુ બિલ મુકતા પેમેન્ટ અટકાવ્યું છે. 

હાલ AMCએ તમામ 57 ખાનગી હોસ્પિટલો જેને બિલ વધારે મુક્યા તેને નોટિસ ફટકારી છે. AMCએ વધુ ચાર્જ વસૂલનારી ખાનગી હોસ્પિટલોને 8 કરોડ કરતા વધુ દંડની નોટિસ ફટકારી છે. ઓઢવ વોર્ડના કોર્પોરેટર રાજુ દવેએ પૂર્વ વિસ્તારની ખાનગી હોસ્પિટલો સામે ફરિયાદ કરી હતી. રાજુ દવેએ આક્ષેપ કર્યા હતા કે, ખાનગી હોસ્પિટલો નિયત ચાર્જ કરતા વધારે ચાર્જ વસૂલે છે. 

સળગતા સવાલ

• કોરોનાની મહામારીમાં ખાનગી હોસ્પિટલોએ કેમ ચલાવી ઉઘાડી લૂંટ?
• અમદાવાદની 57 હોસ્પિટલોને કેમ નથી સરકારના નિયમનો ભય?
• હોસ્પિટલ સંચાલકો સામે દાખલો બેસે તેવી કાર્યવાહી ક્યારે કરશે?
• મનપાએ નોટિસ ફટકારી છે પરંતુ હવે આગળ વધુ કડક કાર્યવાહી ક્યારે?
• મહામારીમાં પણ દયા ન ખાતા હોસ્પિટલ સંચાલકો સામે શું કાર્યવાહી કરવી?
• મહામારીને અવસર તરીકે જોતા આ હોસ્પિટલ સંચાલકોને કેમ નથી ભય?
• અમદાવાદ, વડોદરા, સુરત, રાજકોટમાં જ કેમ બને છે આવી ઘટના?
• મનપાએ MOU કર્યા હોવા છતા કેમ હોસ્પિટલો મનફાવે તેમ ચાર્જ વસૂલે છે?