પેપરકપ વિવાદ / AMCના નિર્ણયથી કારખાનાના માલિકો લાલઘુમ પણ કુલ્લડ બનાવતા કારીગરો ખુશખુશાલ, જાણો કેમ

• પેપર કપ બંધ કરતા કુલ્લડ બનાવતા કારીગરો ને જાગી આશા
• ચા ના કુલર માં 100 અને 150 ML ની ડિમાન્ડ છેઃકારીગર
• AMC ના નિર્ણય સામે કારખાના માલિકો લાલઘૂમ
• અમેં લોન પર 2 વર્ષ પહેલા જ મશીનો વસાવ્યા છે- કંપની માલિકો

મહાનગરપાલિકાઓ દ્વારા પેપર કપ બંધ કરતા કુલ્લડ બનાવતા કારીગરોને હવે કુલ્લડ વેચાણ વધવાની આશા જાગી છે.  વડોદરા ખાતે કુલ્લડ બનાવતા પ્રજાપતિ પરિવારોને વેચાણ વધવાની આશા છે.  ત્યારે માટીના વાસણ આરોગ્ય માટે પણ ફાયદાકારક છે.  માટીમાંથી બનતા કુલ્લડ 5 થી 7 રૂપિયામાં તૈયાર થાય છે.  સરકાર દ્વારા પેપર કપ પર પ્રતિબંધના કારણે કુલ્લડનું વેચાણ વધવાની આશા કારીગરોને બંધાઈ છે. ત્યારે એક કારીગર રોજના 500 થી 700 નંગ કુલ્લડ બનાવે છે.

અમારા પરંપરાગત વ્યવસાય નો વિકાસ થશેઃકૂલર બનાવનાર કારીગર
આ બાબતે વડોદરામાં માટીના કુલ્લડ બનાવતા કારીગર પ્રતિક ભાઈલાલભાઈ પ્રજાપતિએ જણાવ્યું હતું કે તેઓએ હોસ્પિટલની નોકરી  છોડી માટીના વાસણો બનાવે છે. ચા ના કૂલરમાં 100 અને 150 એમએલ કુલ્લડની ડિમાન્ડ વધારે છે. ત્યારે મહાનગરપાલિકા વિસ્તારમાં પેપર કપ બંધ કરવાથી અમારો ધંધો વધવાની આશા છે. તેમજ માટીના કુલ્લડમાં ચા પીવાથી લોકોનું આરોગ્ય સુધરશે સાથે પર્યાવરણની પણ જાણવણી થશે. ચા ના કપ બંધ કરી માટીના કપમાં ચા નું વેચાણ શરૂ કરતા હવે અમારા પરંપરાગત વ્યવસાયનો વિકાસ થશે. 

AMC ના નિર્ણય સામે કારખાના માલિકો લાલઘૂમ
અમદાવાદ મ્યુનિસિપલ કોર્પોરેશન દ્વારા અચાનક જ પેપર કપ પર પ્રતિબંધ મુકવાની જાહેરાત કરી છે.  ત્યારે અમદાવાદમાં પેપરકપ બનાવતા કંપનીના માલિકોની બેઠક મળી હતી. ત્યારે એએમસીના નિર્ણયના કારણે પેપર કપ બનાવતા કારખાનાના માલિકોની બેઠક મળી હતી. બેઠકમાં એએમસીના નિર્ણય સામે કારખાનાના માલિકો લાલઘૂમ થયા છે.  કારખાનાના માલિકો જણાવી રહ્યા છે.  સરકારે પેપર કપ બનાવવા અમને પ્રોત્સાહન આપ્યું હતું ત્યારે હવે AMC જ અમને બરબાદ કરી રહી છે.

અમારૂ કરોડોનું નુકશાન હવે કોણ ભરશેઃ કંપની માલિકો
આ બાબતે પેપર કપ બનાવતા કંપની માલિકોની મીટીંગ મળી હતી. જેમાં તેઓએ જણાવ્યું હતું કે અમદાવાદમાં AMC ના એક જ નિર્ણયથી 80  હજાર મજૂરોની રોજગારી છીનવાઈ છે.  ત્યારે વાર્ષિક પેપર કપ બનાવવાનું 1200 કરોડનું ટર્નઓવર હતું. વધુમાં કંપની માલિકોએ જણાવ્યું કે અમે લોન પર 2 વર્ષ પહેલા જ મશીનો વસાવ્યા છે.  આ મશીન માત્ર પેપરકપ માટે જ હોય છે હવે અમારે આ મશીનનું શું કરવું. તેમજ પેપરકપ માટે અમને સરકારે જ લોન આપી છે. AMC  એ જ શરૂઆતમાં પેપરકપ કાઢ્યા હતા અને અમને ફેક્ટરી શરૂ કરવા કહ્યું હતું. ત્યારે હવે અમારૂ કરોડોનું નુકશાન હવે કોણ ભરશે.