અમદાવાદમાં ટ્રાફિક વિભાગ દ્વારા ટ્રાફિકની કામગીરી હાથ ધરવામાં આવી રહી છે. ત્યારે હવે શહેરના મેઘાણીનગર વિસ્તારમાં ટ્રાફિક અને દબાણની કામગીરી હાથ ધરાઈ હતી.
આ દરમિયાન મ્યુનિસિપલ કોર્પોરેશનની ટીમ અને પોલીસકર્મીઓ પણ જોડાયા હતા. મ્યુનિસિપલ કોર્પોરેશનના અધિકારીઓએ ગેરકાદેસર બાંધકામ દૂર કર્યા હતા.
જ્યારે ટ્રાફિક પોલીસે નો પાર્કિંગમાં પાર્ક કરાયેલા વાહનો ડિટેઈન કરવામાં આવ્યા હતા. સાથે જ ટ્રાફિકના નિયમોનુ ભંગ કરનાર વાહન ચાલકોને દંડ પણ ફટકારવામાં આવ્યા હતા.
આ ઉપરાંત અમદાવાદમાં ટ્રાફિક સમસ્યાને લઇને પોલીસ ડ્રાઇવ ઝુંબેશ હાથ ધરી રહી છે. ત્યારે શ્યામલ ચાર રસ્તા પાસે પોલીસે કાર્યવાહી હાથ ધરી છે.
શ્યામલ ચાર રસ્તાથી પ્રહલાદનગર ગાર્ડન સુધી ડ્રાઇવ કરાયું હતું. AMCની ટીમ પણ પોલીસ ડ્રાઇવમાં જોડાઇ હતી. નો પાર્કિંગ ઝોનમાં પાર્ક કરાયેલા વાહનો ડિટેઇન કરાયા હતા અને રસ્તા પર કરાયેલા દબાણ અને ગેરકાયદેસર બાંધકામ દૂર કરવામાં આવશે.