લો બોલો! / રોડ રસ્તા અને ગટર જેવી પ્રાથમિક સુરક્ષા માટે પ્રજા પરેશાન અને મનપાનું બજેટ વપરાતું નથી?

નોંધનીય છે કે આ ખર્ચ ઘટતા શહેરમાં ચાલી રહેલા મહત્વના ઈન્ફ્રાસ્ટ્રક્ચર જેવા પ્રોજેક્ટ્સને ઓછું ફંડિંગ મળે છે.

ઓછું ટેક્સ કલેક્શન છે આનું કારણ

પાથે બજેટ સેન્ટર નામના એક NGO વડે કરવામાં આવેલા એનાલિસીસ અનુસાર AMC પોતાના ટેક્સ કલેક્શનનો ટાર્ગેટ પણ પૂરો કરી શકી નથી. AMCના રેવન્યુ કલેક્શનમાં 2014-15માં 75% થી વધારો થઇને 2018-2019માં 85% થયું હતું. વર્ષ 2017-18માં AMCમાં સૌથી વધુ આવકની ઘટ (રૂપિયા 1367 કરોડ) નોંધાઈ હતી. 

2018-19માં AMCના દાવા મુજબ તેણે 4300 કરોડનો ટેક્સ ઉઘરાવ્યો હતો. જો કે આ વર્ષે તેણે અંદાજિત બજેટ 5240 કરોડ રાખ્યું હતું. 

રાજ્ય સરકારની ગ્રાન્ટની મદદ લેવાય છે 

2018-19માં AMCએ 8051 કરોડનું બજેટ જાહેર કર્યું હતું. આ પૈકી તેમણે 4124 કરોડ રૂપિયા કન્સ્ટ્રક્શનના કામો પાછળ વાપરવાના હતા. આ પૈકી 1747 કરોડ રૂપિયા AMCએ ટેક્સ પેટે પોતે ઉભા કર્યા હતા જયારે બાકીના રૂપિયા રાજ્ય સરકારની ગ્રાન્ટમાંથી લીધા હતા.