અમદાવાદ / અમદાવાદની SVP હોસ્પિટલમાં સારવાર લેવા જતાં પહેલા ખિસ્સુ ભરેલું રાખજો, દાખલ થવા માટે પણ ચૂકવવા પડશે આટલા રૂપિયા

• SVP હોસ્પિટલે સારવારના ખર્ચમાં કર્યો વધારો 
• દાખલ થતા પહેલા ડિપોઝિટ ફી ભરવી પડશે 
• AMC સંચાલીત હોસ્પિટલે કર્યો ભાવ વધારો 

ગુજરાત સહિત દેશભરમાં મોંઘાવારીએ માઝા મુકી છે, ત્યારે હવે તો હોસ્પિટલો દ્વારા પણ સારવારનો ખર્ચો વધારવામાં આવી રહ્યો છે. અમદાવાદમાં આવેલ SVP હોસ્પિટલમાં હવે સારવાર મોંઘી થવાની છે. આ હોસ્પિટલમાં હવે દાખલ થતા પહેલા ડિપોઝિટી ફી ભરવી પડશે. તેવા નિયમો હોસ્પિટલ તંત્ર દ્વારા લેવામાં આવ્યા છે. 

20 હજાર સુધીની ડિપોઝીટ 

હોસ્પિટલના જનરલ વોર્ડમાં દાખલ થનાર દર્દીના પરિવારજનોએ 5 હજાર રૂપિયા ડિપોઝીટ ભરવી પડશે. આપને જણાવી દઈએ કે આ હોસ્પિટલ AMC સંચાલીત છે તેમ છતા પણ અહીયા સારવાર મોંઘી થઈ રહી છે. 5 હજારથી લઈને 20 હજાર રૂપિયા સુધીની ડિપોઝીટ ભરવાનો અહીયા નિર્ણય લેવામાં આવ્યો છે. 

જનરલ વોર્ડના દર્દીઓ માટે 50 રૂપિયા ચાર્જ 

તે સિવાય જનરલ વોર્ડમાં દર્દીઓના રજિસ્ટ્રેશન માટે 50 રૂપિયા જેટલો ચાર્જ લેવામાં આવશે. તેમજ ઈમરજન્સી અને મેડિકલ ઓફિસરનો ચાર્જ પણ 300 રૂપિયા કરવામાં આવ્યો છે. વધુંમાં જનરલ ICUનો ભાવ વધારીને પણ 2 હજાર જેટલો કરી દેવામાં આવ્યો છે. જ્યારે અન્ય ICUના ભાવ વધારીને 3 હજાર જેટલો કરી દેવામાં આવ્યો છે. 

ભાવવધારાની ગરીબોને વધારે અસર થશે 

SVP હોસ્પિટલ અવાર નવાર ચર્ચાનું કેન્દ્ર બનતી હોય છે. ત્યારે આ વખતે ફરી વખત હોસ્પિટલે ભાવ વધાર્યા જેના કારણે તે ચર્ચામાં આવી છે. જોકે આ ભાવ વધારો મોટા પ્રમાણમાં કરવામાં આવ્યો છે. જેની અસર સામાન્ય તેમજ ગરીબ વર્ગ પર પહેલા પડશે. 

નવા ભાવની વિગતવાર માહિતી :-

કાર્ડિઓલોજી
જનરલ વોર્ડ- 50થી 500
એક્ઝિક્યુટિવ વોર્ડ- 100થી 2 હજાર

રેડિયોલોજી
જનરલ વોર્ડ- 150થી 5 હજાર
એક્ઝિક્યુટિવ વોર્ડ- 300થી 20 હજાર

ઓપરેશન
જનરલ વોર્ડ- 3થી 9 હજાર
એક્ઝિક્યુટિવ વોર્ડ- 6થી 36 હજાર

રૂમનો ચાર્જ
જનરલ વોર્ડ- 400થી 3 હજાર
એક્ઝિક્યુટિવ વોર્ડ- 2થી 5 હજાર