VIDEO / 'અમે અમારા ગામના વિકાસથી ખુશ છીએ, અમારે AMCની કોઈ જરૂર નથી', નાંદોલી ગામમાં લાગ્યા બેનરો

• નાંદોલી ગામમાં અમદાવાદ મ્યુ.કોર્પોરેશનનો વિરોધ
• ગામને મહાપાલિકામાં મર્જ કરવાની વિચારણાં
• ગ્રામજનોમાં રોષ, સુવિધા ન મળવાનો આરોપ

બોપલ-ઘુમા બાદ હવે શીલજ પાસે આવેલ નાંદોલી ગ્રામ પંચાયતને અમદાવાદ કોર્પોરેશનમાં ભેળવવામાં આવશે. નાંદોલી ગામને મહાપાલિકામાં મર્જ કરવાની વિચારણાં ચાલી રહી છે. ત્યારે નાંદોલી ગામના લોકો AMCનો વિરોધ કરી રહ્યા છે. ગામમાં અમદાવાદ મ્યુનિસિપલ કોર્પોરેશનનો વિરોધ કરતા બેનરો પણ લગાવ્યા છે. 

ગામમાં લાગ્યા બેનરો

આખા ગામમાં NO AMC FOR NADOLI, એએમસી ભગાડો નાંદોલી બચાવો, અમે અમારા ગામના વિકાસથી ખુશ છીએ એટલે અમારે એઅમસીની કોઈ જરૂર નથી જ્યાં પહેલાથી AMC છે ત્યાં પૂરતી સેવા આપો, 2 વર્ષ પહેલા 9 એરિયા ભેળવ્યા એકેયના ઠેકાણા નથી અને હવે નાંદોલીનો વારો નહીં આવવા દઈએ જેવા વિવિધ લખાણોવાળા બેનરો લગાવવામાં આવ્યા છે. 

અમારા ગામમાં તમામ સુવિધાઓ છેઃ ગ્રામજનો

ગ્રામજનોનું કહેવું છે કે, 2 વર્ષથી બોપલ-ઘુમા સહિત 8 ગામોને અમદાવાદ મ્યુનિસિપલ કોર્પોરેશનમાં ભેળવવામાં આવ્યા છે, પરંતુ ત્યાં કોર્પોરેશન કોઈ સુવિધા આપી શક્યું નથી. જેથી અમારે અમદાવાદ મ્યુનિસિપલ કોર્પોરેશનની કોઈ જરૂર નથી. અમારા ગામમાં પાણી ગટર લાઈટ સહિતની તમામ સુવિધાઓ છે.

ગ્રામજનોએ ઉચ્ચારી ઉગ્ર આંદોલનની ચીમકી 

આપને જણાવી દઈએ કે, હાલમાં નાંદોલી ગામ ઔડા હસ્તક છે, જ્યાં મોટા ભાગે હાલ ખેતી થઈ રહી છે. એક ટીપી સ્કીમ નથી પડતા પરંતુ હવે કોર્પોરેશન તેને હવે મર્જ કરવા માગે છે. પરંતુ ગામના લોકોને અમદાવાદ કોર્પોરેશન પર ભરોસો નથી. જો ગામના લોકોની મંજૂરી વિના નિર્ણય લેવામાં આવશે તો ગ્રામજનો આગામી સમયમાં ઉગ્ર આંદોલન કરશે તેવી ચીમકી પણ ઉચ્ચારવામાં આવી છે.