SG હાઈ-વે પર ટ્રાફિકજામ થવા પાછળ AMCની નીતિ જવાબદાર, ગેરકાયદે બાંધકામને કર્યા કાયદેસર

By : HirenJoshi 11:18 AM, 10 August 2018 | Updated : 11:18 AM, 10 August 2018
અમદાવાદઃ એસ.જી. હાઈ-વે પર AMCની નીતિના કારણે ટ્રાફિક જામની સ્થિતિ વકરી રહી છે. એસજી. હાઈ-વે પર જાણીતી હોટલ, હોસ્પિટલ અને મોટા કોમર્શીયલ કોમ્પલેક્ષના પાર્કિંગમાં થયેલા ગેરકાયદે બાંધકામના કારણે ટ્રાફિક જામની સ્થિતિ સર્જાઈ છે. આ ગેરકાયદે બાંધકામને AMC દ્વારા ઈમ્પેટ ફીના કાયદા હેઠળ પાર્કિંગ ફી વસૂલીને કાયદેસર કરી દેવામાં આવ્યા હતા. આવી રીતે AMCએ 77 કરોડ ઈમ્પેટ ફી વસૂલી હતી. 

હવે સ્થિતિ એવી ઉભી થઈ છે કે આ કોમર્શિયલ કોમ્પલેસ, હોસ્પિટલો અને હોટલોમાં પાર્કિંગની વ્યવસ્થા ન હોવાથી મુલાકાતીઓ આડેધડ પાર્કિંગ કરે છે..જેના કારણે ટ્રાફિક જામની સ્થિતિ સર્જાય છે...જેને એસ.જી. હાઈ-વેની રોનક બગાડી દીધી છે. હાલ AMC દ્વારા ગેરકાયદે દબાણો તોડવાની કાર્યવાહી હાથ ધરવામાં આવી છે. ત્યારે એસ.જી. હાઈ-વે પર હોસ્પિટલો, હોટલો અને કોમર્શિયલ કોમ્પલેસ દ્વારા કરવામાં આવેલા ગેરકાયદે બાંધકામ પર તવાઈ શા માટે નથી બોલાવાતી. તે એક મોટો સવાલ છે.

ઈમ્પેટ ફી તો AMCએ વસૂલી લીધી પરંતુ અત્યાર સુધી કોઈ જ પ્રકારની પાર્કિંગ સુવિધા ઉભી કરવામાં ન આવી. હવે હાઈકોર્ટની ફટકાર બાદ AMC નવા પાર્કિંગ બનાવવા માટે જગ્યા શોધી રહ્યું છે. શહેરની આવી જાણિતી હોસ્પિટલો દ્વારા આ પ્રકારે જ પાર્કિંગની સ્પેસમાં ગેરકાયદે બાંદકામ કર્યા હતા. જે નિયમિત કરી દેવાયા છે. 

જેમાં સ્ટર્લિંગ હોસ્પિટલ, સાલ હોસ્પિટલ, મેડીલિંગ હોસ્પિટલ, સંજીવની હોસ્પિટલ, શેલ્બી હોસ્પિટલ અને પારેખ હોસ્પિટલ સહિતની મોટી હોસ્પિટલો અને મોટી હોસ્પિટલો દ્વારા આ પ્રકારની પાર્કિંગની જગ્યાએ ગેરકાયદે બાંધકામ નિયમિત કરાવી દીધા હતા. જેના કારણે હવે પાર્કિંગની સમસ્યા ઉભી થઈ છે.

એસ.જી. હાઈ-વે પર ટ્રાફિક જામ થવા પાછળ AMCની નીતિ જવાબદાર
એસ.જી. હાઈ-વે પર હોટેલ, હોસ્પિટલો પાસેથી શા માટે ઉઘરાવાઈ ઈમ્પેક્ટ ફી ? ઈમ્પેક્ટ ફીના નામે શા માટે વસૂલાયા 77 કરોડ રૂપિયા ? AMCની નીતિથી એસ.જી. હાઈ-વે પર ટ્રાફિક જામની સમસ્યા વકરી! ગેરકાયદે બાંધકામને ઈમ્પેક્ટ ફી લઈને શા માટે કાયદેસર કર્યા ? ઈમ્પેક્ટ ફી વસૂલ્યા બાદ આજ સુધી પાર્કિંગની વ્યવસ્થા કેમ ન કરી ? AMC દ્વારા એસ.જી. હાઈ-વે પર નવા પાર્કિંગ ઉભા કેમ ન કરાયા ? હોટલ, હોસ્પિટલ, કોમર્શિયલ કોમ્પલેક્સના ગેરકાયદે બાંધકામ કેમ ન તોડાયા ?

હોટલો, હોસ્પિટલો દ્વારા પાર્કિંગની જગ્યામાં ગેરકાયદે બાંધકામ કરાયા!
AMC દ્વારા આવા ગેરકાયદે બાંધકામ પર ક્યારે તવાઈ બોલાવાશે ? ગેરકાયદે બાંધકામ કાયદેસર કરી દેતા ટ્રાફિક જામની સમસ્યા સર્જાઈ! પહેલા કાર્યવાહી ન કરી અને હવે AMC પાર્કિંગ ઉભા કરી રહ્યું છે! લાંબાગાળાના આયોજન વિના આડેધડ પાર્કિંગ શા માટે ઉભા કરી રહ્યા છે ? પાર્કિંગ સ્પેસમાં ગેરકાયદે બાંધકામ કર્યા જેને કાયદેસર શા માટે કરાયા?



Recent Story

Popular Story