VIDEO / AMCના મેડિકલ ઓફિસરનું રૂદન નથી સંભળાતું તો અમદાવાદીઓનું શું થશે?

• મેડિકલ ઓફિસર કોરના પોઝિટિવ 
• મેડિકલ ઓફિસરની વેદના"તંત્ર નથી લઈ રહ્યું દરકાર"
• પરિવારની કાળજી લેવા માગ

અમદાવાદનો એક ચોંકાવનારો કિસ્સો સામે આવ્યો છે. જેમાં ખુદ AMCના મેડિકલ ઓફિસરે તંત્રની બેદરકારી અંગે પોતાની વેદના વ્યક્ત કરી છે. આંખોમાં આસું સાથે તેઓ મદદની માગણી કરી રહ્યા છે.અને આરોપ લગાવી રહ્યા છે કે, કોરોના પોઝિટિવ હોવા છતાં તેમની અને તેમના પરિવારની તંત્ર દરકાર નથી લઈ રહ્યું.

AMCના મેડિકલ ઓફિસર તંત્રની સાથે મળી જીવ હથેળી પર લઈ અમદાવાદના હોટસ્પોટ વિસ્તારમાં ગયા. રાત-દિવસ એક કરી લોકોનું ચેકઅપ કર્યું. પોઝિટિવ દર્દીઓને હોસ્પિટલ સુધી પહોંચાડ્યા. જો કે, હવે જ્યારે મેડિકલ ઓફિસર ખુદ કોરોનાની ઝપેટમાં આવી ગયા છે ત્યારે તંત્ર તેમનો હાથ પકડવા તૈયાર નથી.

સારવાર તો શું ખબરઅંતર પણ નથી પૂછતું

મેડિકલ ઓફિસરનો પ્રથમ વખત રિપોર્ટ કરતા નેગેટિવ આવ્યો હતો. પરંતુ ત્યારબાદ તબિયત વધુ ખરાબ થતાં રિપોર્ટ પોઝિટિવ આવ્યો હતો. તેમનો આરોપ છે કે, બીમાર હોવા છતાં તંત્ર તેમને કામ પર બોલાવતું હતું. તંત્રએ ત્યારે પણ તેમનું ન સાંભળ્યું અને હવે રિપોર્ટ પોઝિટિવ આવ્યો તો કોઈ સારવાર તો શું ખબરઅંતર પણ નથી પૂછતું. 

ડોક્ટર રૂપલ બેને રડતા રડતા SVP અને AMC ની બેદરકારી દર્શાવી

ડો. રુપલે જણાવ્યું હતું કે, ઘણા સમયથી બીમાર હોવા છતાં તેમને કામ પર આવવા માટે ફરજ પડાઈ હતી. પ્રથમ વખત તબિયત ખરાબ થતા કોરોના રિપોર્ટ કરાવ્યો તો રિપોર્ટ નેગેટિવ આવ્યો હતો. વધુ તબિયત ખરાબ થતા થોડા દિવસ બાદ રિપોર્ટ પોઝિટિવ આવ્યો. સતત રાત દિવસ કોરોના ગ્રસ્ત વિસ્તરમાં કામ કર્યું હોવા છતાં તંત્રએ રિપોર્ટ પોઝિટિવ બાદ તંત્રએ કોઈ સાથ ના આપ્યો. 

વીડિયો મીડિયામાં આવતા મેયર જાગ્યા

આ વીડિયો મીડિયામાં આવતાં મેયર બિજલ પટેલ સફાળા જાગ્યા. તપાસ કરીશું અને હું તે મહિલાની સાથે છું. કોઈ તકલિફ નહીં પડવા દઉં.