અમદાવાદ મ્યુનિસિપલ કોર્પોરેશનની સ્ટેન્ડિંગ કમિટીમાં વિવાદિત દરખાસ્તથી મામલો ગરમાયો, સાંઈ એન્ટરપ્રાઇઝને બગીચા સંચાલનનું કામ સોંપવા મુકાઈ દરખાસ્ત
AMCની સ્ટેન્ડિંગ કમિટીમાં મૂકાઈ વિવાદિત દરખાસ્ત
પૂર્વ-દક્ષિણ ઝોનમાં રૂ. 3 કરોડનું કામ આપવાની દરખાસ્ત
સાંઈ એન્ટરપ્રાઇઝને કામ સોંપવા મુકાઈ દરખાસ્ત
અમદાવાદ મ્યુનિસિપલ કોર્પોરેશન ફરી વિવાદમાં સપડાઈ છે. કોર્પોરેશનની સ્ટેન્ડિંગ કમિટીમાં વિવાદિત દરખાસ્ત મુકવામાં આવતા ફરી AMC ચર્ચાનો વિષય બની છે. બોગસ સર્ટિફિકેટ રજૂ કરનાર કોન્ટ્રાક્ટ આપવાની દરખાસ્ત કરવામાં આવતો ફરી મામલો ગરમાયો છે. જે દરખાસ્ત આજે મળનારી કમિટીની બેઠકમાં મુકવામાં આવી છે.
કોન્ટ્રાક્ટની દરખાસ્તનો મુદ્દો
AMCની સ્ટેન્ડિંગ કમિટીમાં વિવાદિત દરખાસ્ત મુકાઈ છે. જેમાં સાંઈ એન્ટરપ્રાઇઝને બગીચા સંચાલનનું કામ સોંપવા માટે દરખાસ્ત મુકવામાં આવી છે. જેના પર આક્ષેપ છે કે, બોગસ સર્ટિફિકેટ રજૂ કરનારને કોન્ટ્રાક્ટ આપવાની દરખાસ્તને મામલો બીચકાયો છે. આક્ષેપ છે કે, સાંઈ એન્ટરપ્રાઈઝે મહેસાણામાં બોગસ સર્ટિફિકેટ રજૂ કર્યા હતા જે બોગસ સર્ટિફિકેટ મેળવી કામ કર્યો ન હતા. જે સમગ્ર ઘટનાને લઈ અમદાવાદ મ્યુનિસિપલ કોર્પોરેશન ફરી વિવાદો વચ્ચે ફસાઈ છે જેમાં જો આ બોગસ સર્ટિફિકેટ રજુ કરનારને કોન્ટ્રાક્ટ આપવામાં આવશે AMC વધુ વિવાદોમાં ઘરાશે તેવું સુત્રો દ્વારા માહિતી પ્રાપ્ત થઈ રહી છે.
3 કરોડનો કામ આપવાની દરખાસ્ત
સમગ્ર દરખાસ્તને લઈ વિવાદો શરૂ થયો છે. શહેરના પૂર્વ-દક્ષિણ ઝોનમાં રૂપિયા 3 કરોડનું કામ આપવાની દરખાસ્ત રજુ થવાની છે. જેને લઈ ફરી મામલો બીચકાયો છે. રૂપિયા 3 કરોડના કોમો માટે સાંઈ એન્ટરપ્રાઇઝને બગીચા સંચાલનનું કામ સોંપવા માટે દરખાસ્ત મુકાઈ છે. જેને કોન્ટ્રાક્ટર પર આરોપ છે કે, જે કામ કર્યા વિના બોગસ સર્ટિફિકેટ રજુ કરી ગ્રાન્ટ મેળવી લે છે. સાંઈ એન્ટરપ્રાઈઝે મહેસાણામાં બોગસ સર્ટિફિકેટ રજૂ કર્યા હતા અને બોગસ સર્ટિફિકેટ દ્વારા કામ મેળવી કામ કર્યું ન હતું.
દરખાસ્ત સ્વીકારશે તો મામાલો ગરમાશે?
અમદાવાદ મ્યુનિસિપલ કોર્પોરેશન વિવિધ બાબતોને લઈ અવાર નવાર વિવાદોમાં ઘેરાયેલી છે. થોડા સમય પહેલા મળેલી બેઠકમાં વિરોધપક્ષ દ્વારા પણ ગંભીર આરોપો પણ મુકવામાં આવ્યા હતાં જેમાં પાણી, ગટર અને રખડતા ઢોર પકડવાના મુદ્દે AMC અને વિરોધપક્ષ વચ્ચે વાર પલટવાર થઈ રહ્યાં છે. કોન્ટ્રાક્ટની દરખાસ્તને લઈ ફરી મોટા વિવાદોમાં ઘેરાય છે કેમ તો જોવું રહ્યું.