કોરોના સંકટ / કોરોનાએ વધાર્યું અમદાવાદીઓનું ટૅન્શન, ફરી કેસ વધતા તંત્રએ તાબડતોબ લીધો મોટો નિર્ણય

• અમદાવાદમાં ઉભા કરાયા ટેસ્ટિંગ ડોમ
• કોરોના કેસ વધતા ઉભા કરાયા ટેસ્ટિંગ ડોમ
• વસ્ત્રાપુર લેક પાસે ટેસ્ટિંગ ડોમ ઉભું કરાયું

અમદાવાદ શહેરમાં હાલ ડબલ ઋતુના પગલે તાવ, શરદી અને ખાંસીના કેસમાં સતત વધારો જોવા મળી રહ્યો છે. કોરોના વાયરસના લક્ષણોમાં પણ તાવ શરદી અને ખાંસી મુખ્ય લક્ષણ છે ત્યારે અમદાવાદીઓ સરળતાથી આરટીપીસીઆર કે એન્ટીજન ટેસ્ટ કરી શકે તે માટે શહેરમાં 40 સ્થળો પર ડોમ ફરી શરુ કરાયા છે. શહેરમાં આજે પણ સરેરાશ દરરોજ 5 હજાર આરટીપીસીઆર ટેસ્ટ થાય છે તેમજ એન્ટીજન ટેસ્ટ પણ મોટી સંખ્યામાં થઇ રહ્યા છે. 

અમદાવાદના અલગ અલગ સ્થળે ઉભા કરાયા ડોમ

અમદાવાદ શહેરમાં ચાર રસ્તાઓ અને અર્બન હેલ્થ સેન્ટર પર ફરી એકવાર કોરોના ટેસ્ટિંગની સંખ્યામાં વધારો થયો છે. હાલ શહેરમાં કોરોનાના કેસ ડબલ ડિઝીટ પાર કરતા નથી પરંતુ એએમસી આરોગ્ય વિભાગ કોરોનાની ત્રીજી લહેરના સંભાવના પગલે અને શહેરમા જે રીતે અન્ય વાયરલ ફ્લૂના કેસમાં વધારો થતા, અગમચેતીના ભાગ રૂપે ટેસ્ટિંગ ફરી એકવાર શરૂ કરવામાં આવ્યા છે.

વસ્ત્રાપુર લેક પાસે કોરોના ટેસ્ટિંગ ડોમ ઉભું કરાયું

ગઈ લાકે ગુજરતમાં કોરોના નવા 37 કેસ સામે આવ્યા હતા જેમાં સૌથી વધુ અમદાવાદમાં 10 કેસ નોંધાયા હતા, આમ રાજ્યમાં કોરોનાના એક્ટિવ કેસની સંખ્યા 226 પર પહોંચી ગઈ છે. જોકે કોરોનાને કારણે આજે એક પણ દર્દીનું મોત નિપજ્યું નથી, હાલ કોરોનાગ્રસ્ત 6 દર્દીઓ વેન્ટિલેટર પર સારવાર લઈ રહ્યા છે જ્યારે બીજી તરફ 32 દર્દીઓ સાજા પણ થયા છે. 

બેદરકારી  જોજો ક્યાંક મોંઘી ન પડે 

જોવા વાત કરવામાં આવે તો અત્યાર સુધીમાં કુલ 8,16,608 દર્દીઓ કોરોનાને મ્હાત આપી ચુક્યાં છે. જ્યારે રાજ્યભરમાં અત્યાર સુધી 10090 લોકોના મૃત્યુ થઈ ચૂક્યા છે,  બીજી તરફ રાજ્ય સરકાર કોરોના વેક્સિનેશ પણ ખૂબ જોરશોરથી ચાલી રહ્યું છે રાજ્યમાં અત્યાર સુધીમાં કુલ 4,26,516 નાગરિકોનું રસીકરણ થયું હતું. આમ રાજ્યમાં કોરોનાથી સાજા થવાનો દર 98.75 ટકાએ પહોંચી ગયો છે.  

આજે રાજ્યમાં કોરોનાના વધુ 37 કેસ નોંધાયા 

ગઈ કાલે નોંધાયેલા આંકડા પ્રમાણે અમદાવાદ શહેરમાં કોરોનાના 10 નવા કેસ સામે આવ્યા, વડોદરામાં 6, સુરતમાં 8 અને નવસારીમાં 4 કેસ નવા નોંધાયા અને વલસાડમાં 4 કેસ સામે આવ્યા છે. જ્યારે બનાસકાંઠા, ગીર સોમનાથ, મહેસાણા અને પંચમહાર તથા  તાપી જિલ્લામાં એક એક કેસ સામે આવ્યો છે.  દિવાળીના તહેવાર બાદ અમદાવાદ સહિત મોટા શહેરોમાં કોરોનાના કેસ વધવાની શક્યતાને પગલે અમદાવાદ મ્યુનિ. દ્વારા આગોતરા પગલાંરૂપે ટેસ્ટિંગની સંખ્યા પણ ‌વધારવામાં આવી હતી, જેમાં સામાન્ય રીતે દિવસોમાં થતાં ટેસ્ટિંગ કરતાં બમણાં ટેસ્ટિંગ કરવામાં આવી રહ્યાં છે, જેમાં આજે 10 નવા કેસ સામે આવ્યા છે.

સુરતમાં આખો પરિવારનો રિપોર્ટ પોઝિટિવ

સુરતના રાંદેર-અડાજણ વિસ્તારમાં આખો પરિવારનો રિપોર્ટ પોઝિટિવ આવ્યો છે. એક જ પરિવારના 2 બાળકો સહિત 5 લોકો કોરોના સંક્રમિત થયા છે. પરિવારના વડીલની ટ્રાવેલ હિસ્ટ્રી પૂણેની છે. વડીલ લગ્નમાં પૂણે ગયા હતા. પરિવારના સભ્યોએ વેક્સિનના બંને ડોઝ લીધા હોવા છતાં પોઝિટિવ આવ્યા છે. ગઇકાલે સુરતમાં 7 કેસ પોઝિટિવ આવ્યા હતા. આ તમામ કેસ રાંદેર ઝોનમાં જ આવ્યા છે. રાંદેર ઝોન ફરી એકવાર તંત્રની ચિંતામાં વધારો કરી રહ્યું છે.સુરત શહેરમાં રેલવે સ્ટેશન તેમજ અન્ય સ્થળેથી આવવાના તમામ એન્ટ્રી પોઈન્ટ પર ટેસ્ટિંગનું પ્રમાણ વધારી દેવામાં આવ્યું છે અને મહારાષ્ટ્ર અને દક્ષિણ ભારતમાંથી આવતા લોકોના ડેટા પણ તૈયાર કરવામાં આવશે. આ ઉપરાંત જે લોકોએ વેક્સિન લીધી હોય તેવા લોકોને કોરોના ટેસ્ટિંગમાંથી બાકાત રખાયા છે.