નિર્ણય / સરકારી બાબુઓને નહીં નડે પેટ્રોલ-ડીઝલના વધતાં ભાવ, તંત્રએ જુઓ કેવી લ્હાણી કરી

• પ્રજા ત્રસ્ત, અધિકારીઓ મસ્ત
• મોંઘવારી વચ્ચે સરકારી અધિકારીને જલસા
• સરકારી બાબુઓને અપાતા એલાઉન્સમાં વધારો 
• પેટ્રોલ એલાઉન્સમાં કરાયો વધારો
• હવે દરરોજ 113.22 લેખે મળશે પેટ્રોલ એલાઉન્સ 

વધતા પેટ્રોલ-ડીઝલના ભાવ સામે સરકારી બાબુને જલસા
ગુજરાત સહિત આખો દેશ કોરોના વાયરસ મહામારીનો સામનો કરી રહ્યો છે. મહામારીના કારણે ભારતમાં મિડલ ક્લાસને સૌથી મોટો ફટકો પડ્યો છે. કેટલાય મિડલ ક્લાસના પરિવારો ગરીબી રેખામાં આવી ગયા હોય તેવો ઘાટ સર્જાયો છે ત્યાં મોંઘવારીના કારણે પ્રજાને ઘા પર મીઠું ભભરાવવા જેવી સ્થિતિ સર્જાઇ છે. છેલ્લા ઘણા સમયથી પેટ્રોલ અને ડીઝલના ભાવ આસમાને પહોંચ્યા છે. સરકાર પણ જુદા જુદા બહાના બતાવીને છટકવાના પ્રયાસો કરે છે પરંતુ સરકારી બાબુઓને આ મોંઘવારી નહીં નડે. 

સરકારી બાબુઓને અપાતા એલાઉન્સમાં કરાયો વધારો
દિવસે ને દિવસે પેટ્રોલ અને ડીઝલ ના ભાવ મા વધારો થતા પ્રજા ત્રાહિમામ પોકારી ચુકી છે પરંતુ સરકારી બાબુઓ ને જલસા છે. અમદાવાદ મ્યુનિસિપલ કોર્પોરેશનના ક્લાર્ક  કર્મચારીઓ અને અધિકારીઓ ને લ્હાણી થઈ છે. પેટ્રોલના ભાવ વધતા પેટ્રોલ એલાઉન્સ મા વધારો કરાયો છે. હવે પ્રતિદિન રૂ 113.22 લેખે  પેટ્રોલ એલાઉન્સ આપવામાં આવશે. આ પેહલા કર્મીઓને રૂ 104.58 પેટ્રોલ એલાઉન્સ મળતું હતું. જોકે આ પેટ્રોલ એલાઉન્સ વધારતા અમદાવાદ મ્યુન્સીપલ કોર્પોરેશન પર વાર્ષિક રૂ50 લાખ નો બોજો વધશે. 

ટેક્સ ઘટાડવાથી નહીં થાય ખાસ ફાયદો
જે રીતે પેટ્રોલ અને ડીઝલના ભાવ વધી રહયા છે અને આયાત બિલ સતત વધી રહ્યું છે તે જોતાં ટેક્સને ઘટાડવાથી ભાવમાં કોઈ ફેર આવશે નહીં. નબળો રૂપિયો ભારતને કાચા તેલના ભુગતાનને માટે વધારે ચૂકવવાના રહેશે. જો સરકાર લિટરે 2-5 રૂપિયાનો ઘટાડો કરે પણ છે તો સામાન્ય માણસને કોઈ ફરક પડશે નહીં કેમકે કિંમતોમાં આનાથી પણ વધારો થશે.  

દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.