અમદાવાદ હેલ્થ વિભાગ હવે એકશન મોડમાં જોવા મળી રહ્યુ છે. ગઈકાલે ડોમિનોઝ પિઝામાંથી જીવડુ નીકળતા તંત્રએ ડોમિનોઝને સિલ મારી દીધુ હતુ જ્યારે 15 જેટલા આઉટલેટ પાસેથી 47,500નો દંડ વસુલ્યો હતો અને 12 એકમોને નોટીસ ફટકારી દીધી હતી.
15 આઉટલેટ પાસેથી રૂા. 47,500નો દંડ વસુલ્યો હતો
હેલ્થ વિભાગે ગઈકાલે 34 જગ્યાએ દરોડા પાડ્યા
12 એકમોને સ્વચ્છતા અંગે નોટીસ ફટકારવામાં આવી
આખરે અમદાવાદ હેલ્થ વિભાગ એકશન મોડમાં આવ્યુ ખરુ. ગઈ કાલે સતાધાર કલાસાગર મોલમાંથી ડોમિનોઝ પિઝામાંછી એક ગ્રાહકે પિઝા મંગાવ્યા હતા જેમાંથી જીવડુ નીકળ્યુ હતુ આ વીડિયો ટ્વીટર ઉપર મુકવામાં આવ્યો હતો જેને પગલે તુરંત જ તંત્ર હરકતમાં આવ્યુ હતુ અને કલાસાગર ડોમિનોઝ પિઝાને સિલ કરી દીધુ હતુ. અગાઉ પણ વારંવાર જીવડા નીકળવાની ફરિયાદો સામે આવી હતી. ટીજીબી બેકરી, સંકલ્પ, ઓનેસ્ટ સહિતના ફૂડ એકમોમાં સ્વચ્છતા મામલે બેદરકારી જોવા મળી હતી.
27 જગ્યાએ સ્વચ્છતા જાળવવા બાબતે નોટીસ પાઠવી
હેલ્થ વિભાગે ગઈકાલે 34 જગ્યાએ દરોડા પાડ્યા હતા. જેમાંથી 27 જગ્યાએ સ્વચ્છતા જાળવવા બાબતે નોટીસ પાઠવી હતી જ્યારે 15 આઉટલેટને અસ્વચ્છતાને કારણે નોટીસ ફટકારી રૂા. 47,500નો દંડ વસુલ્યો હતો અને 3 જગ્યાએથી ફૂડના નમૂના લેવામાં આવી રહ્યા છે.
12 એકમોને સ્વચ્છતા અંગે નોટીસ
6 જગ્યાએ જાહેરમાં ધુમ્રપાનને કારણે દંડ વસૂલવામાં આવ્યો હતો. પાલડીમાં હેવમોર ઈટરલી, ઓનેસ્ટ અને નવરંગપુરમાં હોક્કો, મણિનગરમાં વુડી જ્હોન્સ પિઝા, નહેરુનગરમાં કભીભી બેકરી, કાળુપરની મોતી બેકરી સહિત 12 એકમોને સ્વચ્છતા અંગે નોટીસ ફટકારવામાં આવી હતી.