અમદાવાદ મહાનગર પાલિકાની લીગલ કમિટી દ્વારા બે મહત્વના મુદ્દાની જાહેરાત કરવામાં આવી છે, એડવાન્સ પ્રોપર્ટી ટેક્સની 10% રિબેટની તારીખ લંબાવવામાં આવી
AMCએ મહત્વની જાહેરાત કરી
પ્રોપર્ટી ટેક્સની તારીખ લંબાવાઇ
40 ચો. મી.ના મકાનોને સો ટકા ટેક્સ માફી
અમદાવાદ મ્યુનિસિપલ કોર્પોરેશન સ્ટેન્ડિંગ કમિટીની બેઠક મળી હતી. જેમાં લીગલ કમિટી દ્વારા બે મહત્વના મુદ્દાની જાહેરાત કરવામાં આવી છે. એડવાન્સ પ્રોપર્ટી ટેક્સની 10% રિબેટની તારીખ લંબાવવામાં આવી છે. જે વધારીને 30 જૂન કરવામાં આવી છે. એડવાન્સ પ્રોપર્ટી ટેક્સ રિબેટ કિંમત કોર્પોરેશનને 313 કરોડની આવક થઇ છે અને સ્કીમનો લાભ બે લાખ 88 હજાર લોકોને થશે. આ સાથે જ 1.31 લાખ લોકોએ ઓનલાઇન પેમેન્ટ કર્યું છે.
સો ટકા પ્રોપર્ટી ટેક્ષ માફીની જાહેરાત
આ સાથે જ બીજો મહત્વપૂર્ણ નિર્ણય કોર્પોરેશન દ્વારા મધ્યમ વર્ગના લોકો માટે લેવામાં આવ્યો છે, જેમાં 40 ચોરસ મીટરના મકાનોના પ્રોપર્ટી ટેક્સ 100 ટકા માફ કરવાનો નિર્ણય લેવામાં આવ્યો છે. જેનાથી 30 લાખ લોકોને 45 કરોડ રૂપિયાનો સીધો જ લાભ થશે. જુના ટેક્સના વ્યાજમાં પણ છૂટછાટ આપવામાં આવી છે.
આ સાથે કહ્યું કે, જે લોકો 40 ચોરસ મીટરના ઘરમાં વસવાટ કરે છે. અને તેમના મકાનના અગાઉનો ટેક્ષ બાકી હોય તો, તેમને ટેક્ષના વ્યાજ પર 100 ટકા માફી આપવાની પણ જાહેરાત કરાઈ છે. આ યોજનાનો લાભ તેમને જ મળશે. જે લોકો 31 ઓગસ્ટ 2021 સુધી જૂનો ટેક્ષ ભરી દેશે તેમને જ વ્યાજ મુક્તિનો લાભ મળશે.