AMC નો ઢોર અંકુશ ખાતાનો SI લાંચ લેતા ઝડપાયો હતો. જેને લઈને AMC કર્મચારી પિયુષ વ્યાસ વિરુદ્ધ કાર્યવાહી હાથ ધરવામાં આવી છે.
AMCનો કર્મચારી લાંચ લેતા ઝડપાયો
ઢોર અંકુશ ખાતાના SI લાંચ લેતા ઝડપાયો
ઢોર નહિ પકડવાની રૂ 4500 લાંચ લેતા રંગે હાથ ઝડપાયો
રખડતાં ઢોરના ત્રાસને લઈને અમદાવાદ મહાનગરપાલિકા તંત્ર વર્ષોથી બદનામીનો માર સહન કરી રહ્યું છે. એનક વખત લોક રોષનો પણ ભોગ બન્યું છે. છતાં પણ રખડતાં ઢોર પકડવા મામલે તંત્ર ઊણું ઉતરી રહ્યું છે. જેની પછાળ અમુક અધિકારીઑ અને કર્મચારીઑની મેલી મુરાદ પણ જવાબદાર હોય છે. ત્યારે આવા જ એક ભ્રષ્ટ AMC ના કર્મચારીને ACBએ દબોચી લઇ કાર્યવાહી હાથ ધરી હતી.
ઢોર નહિ પકડવાની રૂ 4500 ની માંગી હતી લાંચ
આ અંગે જાણવા મળતી વિગત અનુસાર AMC ને ઉધયની માફક કોરી ખાતો ભ્રષ્ટાચાર આજે ખૂલીને બહાર આવ્યો છે. AMCનો કર્મચારી લાંચ લેતા ઝડપાતા મનપાની લોબીમાં આ મામલે ચર્ચા જાગી હતી. ACB એ લાંચનું છટકું ગોઠવી AMC ઢોર અંકુશ ખાતાના SI પિયુષ વ્યાસ નામના શખ્સને લાંચ લેતા રંગે હાથ ઝડપી લીધો હતો. આ કર્મચારીએ ઢોર નહિ પકડવાની રૂ 4500 લાંચ માંગી હતી જે સ્વીકારવા જતાં ACB એ તેને ઝડપી લીધો હતો.
ગઇકાલે સુરતમાંથી ઝડપાયો હતો લાંચિયો કર્મચારી
ગઈકાલે સુરતના અઠવાલાઇન્સ ખાતે જિલ્લા સેવા સદનના આવેલી પેન્શન ચુકવણી કચેરીના વર્ગ ત્રણનો કર્મચારી લાંચ લેતા ઝડપાયો હતો. પેન્શન ચુકવણી કચેરીનો પેટા હિસાબનીશ કર્મચારી ACBના છટકામાં રૂપિયા 60 હજારની લાંચ લેતા ઝડપાઈ ગયો હતો. પેટા હિસાબની વર્ગ-3 ના કર્મચારી વિવેક કેવડિયા એસીબીના છટકામાં ખિસ્સું ગરમ કરતો પકડાઈ ગયો છે. વિવેક કેવડિયાએ ફરિયાદી પાસે તેના પતિના પેન્શનની રકમની ચુકવણી માટે રૂપિયા 60 હજારની લાંચ માંગી હતી.જેને લઇ ફરિયાદીએ એન્ટી કરપ્શન બ્યુરોમાં ફરિયાદ કરી હતી. ફરિયાદને પગલે એસીબી દ્વારા છટકું ગોઠવવામાં આવ્યું હતું.