કર'ચોર' / કરોડોનો ટેક્સ ન ભરાનારા અમદાવાદના 102 મોટા ડિફોલ્ટરોના AMCએ નામ જાહેર કર્યા, જાણો કોણ કોણ લિસ્ટમાં

• મહાનગરના મોટા ડિફોલ્ટર્સની બહાર પડી યાદી 
• મહાપાલિકાનો કરોડો રૂપિયાનો ટેક્સ હજુ બાકી 
• ગુજરાત યૂનિ.ના ગાંધી કોર્પો.નાં 12 કરોડ બાકી 

અમદાવાદ મ્યુનિસિપલ કોર્પોરેશન દ્વારા શહેરના 102 જેટલા મોટા ડિફોલ્ટરોની યાદી જાહેર કરવામાં આવી છે જેઓએ કરોડો રૂપિયાનો ટેક્સ હજુ સુધી ભર્યો નથી અથવા તો ટેક્સ ભરવાની દાનત નથી દર્શાવી. આ યાદીમાં સૌથી મોખરે નામ છે ગુજરાત યુનિવર્સિટીના ગાંધી કોર્પોરેશનનું. જેમનો 12 કરોડ રૂપિયાનો  ટેક્સ બાકી છે. વધુમાં ગુજરાત જીનિંગ કંપનીનો સૌથી વધુ ટેક્સ બાકી છે તો ગ્રીન ક્રોસ સોસાયટી, શેઠ મંગલદાસ, વેસ્ટન રેલવે ઉપરાંત રાજનગર કોર્પોરેશન પણ  ડિફોલ્ટરની યાદીમાં છે.  

ફેબ્રુઆરીમાં શરુ થઇ સીલીંગ ઝૂંબેશ 

મહાનગર પાલિકાએ  બાકી પ્રોપર્ટી ટેક્સ સિલિંગ મામલે એક મોટો અને મહત્વનો  નિર્ણય  કર્યો છે. મહાનગર પાલિકાએ 1 લાખથી વધુની બાકી રકમ પર કાર્યવાહી માટે SOP બનાવવા સાથે વ્યાજ માફી અથવા બિલ રકમના બે હપ્તા કરવાનો એક જ ઓપ્શન આપવા નિર્ણય કર્યો છે. જેમાં પુરે પુરી રકમ ભરે તો વ્યાજ માફી મળશે. જે બે હપ્તા કરશે તો વ્યાજ માફ નહી થાય. આ મામલે સિલિંગની કાર્યવાહીનો ઝોન અધિકારીને રિપોર્ટ થશે. આવામાં જો ગેરરીતિ સામે આવશે તો કાર્યવાહી થશે. અત્યાર સુધીમાં 1 લાખથી વધુ ટેક્સ બાકી હોય તેવી 2751 એકમો સીલ કરાયા છે. હવે આગામી સમયમાં 50 હજારના ટેક્સ બાકી મામલે કાર્યવાહી થશે.

વ્યાજ માફી પણ હતી સ્કીમમાં 

પહેલી ફેબ્રુ.થી મહાપાલિકા એ હાથ ધરેલી સીલીંગ ઝુંબેશ  દરમિયાન છેલ્લા ત્રણ દિવસથી 300થી વધુ એવી મિલકતો સીલ કરાઈ છે. AMCએ  પ્રોપર્ટી ટેક્સમાં 1 જાન્યુઆરીથી 31 માર્ચ 2022 સુધી એમ ત્રણ મહિના માટે વ્યાજ માફી સ્કિમ અમલમાં મૂકી છે. માફીની રાહત અપાતી હોવા છતાં કેટલાક ટેક્સ પેયરો  ટેક્સ ન ભરતાં કોર્પોરેશને આવા લોકો સામે  કડક કાર્યવાહી શરૂ કરી છે. 1 ફેબ્રુઆરીથી સિલિગ ઝૂંબેશ શરૂ કરાઇ છે.  

એકમનું નામ અને બાકી રકમ

• કાલુપુર રેલવે સ્ટેશન - 111710802
• અદાણી ગેસ - 18851354
• રેલવે સ્ટેશન પાર્કિંગ પે એન્ડ પાર્ક - 16856992
• એન્ટી હાઉસ જહાંગીર મિલ કમ્પાઉન્ડ - 16189715
• સદવિચાર પરિવાર - 13600706
• ડીઆરએમ ઓફિસ - 11654882
• ટ્રાન્સ  સ્ટેડિયા પ્રાઇવેટ લી. કાંકરિયા - 61942855
• પુરુષોત્તમ ભોગીલાલ ગોમતીપુર - 5961842
• ચંચલ પાર્ટી પ્લોટ - 20387368
• આસ્થા ઉપવન - 20279168
• શિવ શક્તિ પાર્ટી પ્લોટ - 18525437
• મંગુબા પાર્ટી પ્લોટ - 12639716
• ટેલિકોમ ભવન નવરંગપુરા - 11646293
• ગાંધી કૉર્પોરેશન - 122826919
• Snapdeal કુરિયર - 15626807
• ગુજરાત ક્રિકેટ એસોસિએશન - 9151931
• ઇન્ડિયન રેડક્રોસ સોસાયટી - 6703328
• કેશવબાગ ફાર્મ - 4633837
• શેલબી - 39881485