મેગા એક્શન / AMC અને VMCની ટેક્સ ન ભરનારાઓ સામે કડક કાર્યવાહી, એક જ દિવસમાં 430 દુકાનો સીલ, વેપારી ફફડયા

• AMC દ્વારા પ્રોપર્ટી ટેક્સ ન ભરનારાની મિલકતો સીલ કરવાની કાર્યવાહી
• AMC દ્વારા એક જ દિવસમાં 335 દુકાનો સીલ કરી દીધી
• મિલકત ધારકો દ્વારા ટેક્સ ન ભરાય ત્યા સુધી મિલકત સીલ રખાશે
• વડોદરા કોર્પોરેશનની બાકી વેરા મામલે કડક કાર્યવાહી
• 354 મિલકતો સીલ કરતા માલિકો દોડતા થયા, બાકી વેરાના 3.86 કરોડ રૂપિયા થયા જમાં

અમદાવાદમાં બાકી પ્રોપર્ટી ટેકસ મામલે AMCએ લાલ આંખ કરી છે. જેમાં પ્રોપર્ટી ટેક્ષ ન ભરતા એકમો સામે તંત્ર દ્વારા તવાઈ બોલાવવામાં આવી હતી. જેને લઈ હવે પ્રોપર્ટી ટેક્સ ન ભરનારાની મિલકતો સીલ કરવાની કાર્યવાહી શરૂ કરી છે. AMC દ્વારા એક જ દિવસમાં 335 દુકાનો સીલ કરી દીધી છે. મહત્વનું છે કે, સૌથી વધારે પૂર્વ ઝોનમાં 100 જેટલી દુકાનોને સીલ કરવામાં આવી હતી. આ સાથે વડોદરા કોર્પોરેશન દ્વારા પણ બાકી વેરા મામલે કડક કાર્યવાહી હાથ ધરાઇ હોઇ 354 મિલકતો સીલ કરતા માલિકો દોડતા થયા છે. મહત્વનું છે કે, 4 ઝોનમાં મિલકત સીલ કરવાની ઝુંબેશ હાથ ધરાઇ છે. 

AMC ટેકસ વિભાગની કડક કાર્યવાહી
અમદાવાદ મ્યુનિશિપલ કોર્પોરેશન દ્વારા પ્રોપર્ટી ટેક્સ ન ભરનારા સામે  લાલ આંખ કરવામાં આવી છે. જેને લઈ પ્રોપર્ટી ટેક્સ ન ભરનારાની મિલકતો સીલ કરવાની કાર્યવાહી કરાઇ છે. મહત્વનું છે કે, AMC દ્વારા એક જ દિવસમાં 335 દુકાનો સીલ કરી દેતા હડકંપ મચી ગયો છે. માહિતી મુજબ સૌથી વધારે પૂર્વ ઝોનમાં 100 જેટલી દુકાનોને સીલ કરવામાં આવી છે. આ સાથે મિલકત ધારકો દ્વારા ટેક્સ ન ભરાય ત્યા સુધી મિલકત સીલ રખાશે તેવું પણ સામે આવ્યું છે. 

વડોદરા કોર્પોરેશન દ્વારા પણ બાકી વેરા મામલે કાર્યવાહી
વડોદરા મ્યુનિશિપલ કોર્પોરેશન દ્વારા પણ હવે બાકી વેરા મામલે કડક કાર્યવાહી શરૂ કરાઇ છે. VMC દ્વારા 4 ઝોનમાં મિલકત સીલ કરવાની ઝુંબેશ હાથ ધરાઇ છે. જેમાં 354 મિલકતો સીલ કરતા માલિકો દોડતા થયા છે. આ તરફ મિલકતો સીલ કરાતા માલિકોએ બાકી વેરો જમાં કરાવતા મનપામાં બાકી વેરાના 3.86 કરોડ રૂપિયા જમાં થયા છે. નોંધનીય છે કે, અગોરા મોલની વેસ્ટ સાઈડ, ઝૂડિયો કંપની, ગોત્રીની બ્રાન્ડ ફેકટરી, શ્રીનાથ ક્રેડિટ સોસાયટીની મિલકતો સીલ કરાઇ હતી. 

બે દિવસ પહેલા પણ અમદાવાદમાં કરાઇ હતી કાર્યવાહી 
બે દિવસ પહેલા અમદાવાદમાં બાકી પ્રોપર્ટી ટેકસ મામલે AMCએ લાલ આંખ કરી છે. જેમાં પ્રોપર્ટી ટેક્ષ ન ભરતા એકમો સામે તંત્ર દ્વારા તવાઈ બોલાવવામાં આવી હતી અને એક સામટા 290 મિલકતોને સીલ કરવામાં આવી હતી. જેમાં શાયોના ગ્રીન, પરિવાર હોમ ગોતા, દેવ આદિત્ય આર્કેટ, શીલજ ભવ્ય કોમ્પલેક્ષ બોપલ સહિતની દુકાનોને સિલ કરવામાં આવી છે. બીજી બાજુ એક જ દિવસમાં AMCને ટેક્ષની 3.41 કરોડની આવક થઇ હતી. 

અમદાવાદના ચાર વોર્ડમાં બિલનું વિતરણ શરૂ કરાયું
મ્યુનિસિપલ કોર્પોરેશન માટે ઓક્ટ્રોય નાબૂદી બાદ આવકનો મુખ્ય સ્રોત પ્રોપર્ટી ટેક્સ છે. પ્રોપર્ટી ટેક્સની આવકથી તંત્ર દ્વારા પ્રજાલક્ષી સુખાકારીનાં કામો ઉપરાંત વિકાસના પ્રોજેક્ટ હાથ ધરાય છે. મ્યુનિ. પ્રોપર્ટી ટેક્સ વિભાગ દ્વારા અમદાવાદ શહેરના 22 લાખથી વધુ કરદાતાઓને બિલ પહોંચાડીને ટેક્સની આવક મેળવવા માટેના સમયસર પ્રયાસ હાથ ધરાતા રહ્યા છે, જેના કારણે મ્યુનિ. તિજોરી ટેક્સની આવકથી છલકાતી રહી છે. હવે દક્ષિણ-પશ્ચિમ ઝોનમાં સમાવેશ ધરાવતા જોધપુર, વેજલપુર, સરખેજ અને મકતમપુરા એમ ચાર વોર્ડમાં બિલનું વિતરણ શરૂ કરાયું છે.