ગુજરાત એક તરફ કોરોના સામે ઝઝૂમી રહ્યો છે ત્યાં ભાવનગરના ઍમ્બ્યુલન્સ ડ્રાઈવરો માનવતા નેવે મૂકી છે.
માનવતા ભૂલ્યો એમ્બ્યુલન્સનો ડ્રાઈવર
દર્દી પાસેથી પડાવી રહ્યો છે રૂપિયા
ફ્રી સેવા હોવા છતાં રૂપિયાની માગણી
કોરોનાના કપરાકાળમાં માનવતા મરી પરવારી હોય તેવો કિસ્સો આવ્યો સામે
કોરોના વાયરસનો કપરો કાળ ભારત દેશમાં ચાલી રહ્યો છે. પરિસ્થિતિ દિવસેને દિવસે કાબૂની બહાર જઈ રહી છે, હોસ્પિટલોમાં સારવારના અભાવે લોકો દમ તોડી રહ્યા છે ત્યાં સ્મશાનોમાં પણ લાંબુ વેઇટિંગ જોવા મળી રહ્યું છે ત્યાં આવા સમયમાં જ્યારે એક માનવી તરીકે આપણે એક બીજાને મદદ કરવાની જરૂર છે ત્યાં ભાવનગરમાં માનવતા શરમશાયર કરી નાંખે તેવો કિસ્સો સામે આવ્યો છે.
મૃતદેહના અંતિમસંસ્કાર માટે પણ 3500થી 4 હજારનું કરાઈ રહ્યું છે સેટિંગ
કોરોના વાયરસની પરિસ્થિતિમાં લોકોની મજબૂરીનો મહાપાપીઑ ફાયદો ઉઠાવી રહ્યા છે. ગુજરાતમાં ક્યાંક રેમડેસિવિરના નામે લૂંટવામાં આવી રહ્યા તો ક્યાંક બેડ માટે દલાલી ચાલી રહી છે. હદ તો ત્યાં સુધી થઈ ગઈ કે હવે ઍમ્બ્યુલન્સના ડ્રાઈવર દર્દીઓ પાસેથી પૈસા ઉઘરાવી રહ્યા છે.
ભાવનગરની સર.ટી.હોસ્પિટલના આ ડ્રાઈવરને રૂપિયા કમાવવામાં જ રસ
સરકારી ગાડીમાં મફત સેવા હોવા છતાં ભાવનગરના ડ્રાઈવરો મહામારીનો ફાયદો ઉઠાવીને હજારો રૂપિયાની કમાણી કરી રહ્યા છે. આ મહામારીમાં આ પાપીઓ દર્દીના સગા પાસેથી પૈસા લઈ રહ્યા છે. મૃતદેહના અંતિમ સંસ્કાર માટે 3500થી 4 હજાર રૂપિયા સેટિંગ થઈ રહ્યું છે. આવા જ લાલચી ડ્રાઈવરની ઓડિયો ક્લિપ વાયરલ થઈ રહી છે જે બાદ લોકોમાં ભારે રોષ જોવા મળી રહ્યો છે.