ક્રાઈમ / ડ્રાઈવરે એમ્બ્યુલન્સમાં મહિલાને ગંદા અડપલાં કર્યાં, માસ્ક કાઢીને ફેંકી દેતાં પતિનું મોત

એમ્બુલન્સવાળો એક ભયાનક કાંડ સામે આવ્યો છે. યુપીના બસ્તીમાં એમ્બ્યુલન્સ ડ્રાઈવર અને હેલ્પરે મહિલાની છેડતી કરી હતી અને તેના પતિનો લાઈફ સપોર્ટ સિસ્ટમ કાઢી નાખતાં તેનું મોત થયું હતું.

શું બન્યું

આ ચોંકાવનારી ઘટના બસ્તી જિલ્લામાં 29 ઓગસ્ટની રાત્રે બની હતી. બે પુરુષોએ કથિત રીતે મહિલા પર હુમલો કર્યો, તેના પતિના ઓક્સિજન સપોર્ટ સાથે છેડછાડ કરી અને તેને ચાલતી એમ્બ્યુલન્સમાંથી બહાર ફેંકી દીધો હતો. સિદ્ધાર્થ નગરના રહેવાસી દંપતી પતિ માટે ન્યુરો કેર મેળવવા લખનૌમાં હતા. ખાનગી હોસ્પિટલમાં તબીબી ખર્ચને પહોંચી વળવામાં નિષ્ફળ જતાં મહિલાએ ઘરે પરત ફરવા માટે એમ્બ્યુલન્સની વ્યવસ્થા કરી હતી. તેણીની પોલીસ ફરિયાદમાં, તેણીએ જણાવ્યું હતું કે ડ્રાઇવર અને તેના હેલ્પરે રસ્તામાં તેણીને હેરાન કરી હતી. મહિલાએ કહ્યું કે મને આગળની સીટ પર બેસવાની ફરજ પડી હતી જ્યારે મારો ભાઈ મારા પતિ સાથે પાછળ બેઠો હતો. ડ્રાઈવર અને તેના સહાયક મને અયોગ્ય રીતે સ્પર્શ કરવા લાગ્યા. મેં વિરોધ કર્યો છતાં પણ તેઓ ન અટક્યાં અને ગંદા અડપલાં ચાલું રાખ્યાં. મેં બૂમો પાડી હતી પરંતુ એમ્બ્યુલન્સની બારીઓ બંધ હોવાથી બહાર અવાજ ગયો નહોતો. આ જોઈને બીમાર પતિ અને તેના ભાઈએ પણ વિરોધ કર્યો આથી બન્નેએ પતિનો લાઈફ સપોર્ટ કાઢી નાખ્યો હતો અને બહાર ફેંકી દેતાં તેનું મોત થયું હતું.

વધુ વાંચો : PHOTOS : હવે બર્ગરમાંથી ફૂગ નીકળી, જોઈને કદી ખાવાનું મન નહીં થાય, હદ કહેવાય હોં

પોલીસે કેસ દાખલ કર્યો

પોલીસે આ ઘટનામાં એમ્બ્યુલન્સ ડ્રાઈવર અને હેલ્પરની સામે કેસ દાખલ કરીને તેમની શોધખોળ શરુ કરી છે. એમ્બ્યુલન્સવાળાનો આ કાંડ ભારે ચર્ચામાં આવ્યો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ