ક્રિકેટ / VIDEO: સૌરાષ્ટ્ર-વડોદરાની મેચમાં મેદાન પર જ બાખડી પડ્યા બે સ્ટાર ખેલાડી, વચ્ચે પડ્યો કૃણાલ પંડ્યા

• સૈયદ મુશ્તાક અલી ટ્રોફીની મેચમાં વિવાદ
• સૌરાષ્ટ્ર અને બરોડાની ટીમો વચ્ચે મેચ ચાલી રહી હતી
• IPL માં રમનારા બે સ્ટાર ખેલાડી સામસામે આવ્યા

સૈયદ મુશ્તાક અલી ટ્રોફીની મેચમાં IPL માં રમનારા બે સ્ટાર ખેલાડી સામસામે આવી ગયા હતા જેનો વીડિયો હાલ તો સોશ્યલ મીડિયામાં વાયરલ થઈ રહ્યો છે. સ્પોર્ટ્સ જગતમાં ઘણીવાર એવું જોવા મળે છે કે હરીફ ખેલાડીઓ એકબીજા સામે ગંદી કોમેન્ટ કરતાં હોય અને ઘણીવાર વિવાદ વધતાં ઘર્ષણ જેવા દ્રશ્યો પણ જોવા મળતા હોય છે ત્યારે આવો જ એક મામલો ક્રિકેટની બે ટીમો સૌરાષ્ટ્ર અને બરોડાને લઈને સામે આવ્યો છે. 

pic.twitter.com/twhRAM0o2Y

— cricket fan (@cricketfanvideo) October 12, 2022

સૌરાષ્ટ્ર અને બરોડાની ટીમો વચ્ચે મેચ ચાલી રહી હતી ત્યારે જ અંબાતી રાયડુ તથા શેલ્ડન જેક્શન સામસામે આવી હતા, ઘર્ષણ વધતાં જ અમ્પાયર્સ દોડીને આવ્યા તથા બંને ખેલાડીઑ એકબીજાની નજીક આવે તે પહેલા જ કૃણાલ પંડયા ત્યાં આવી પહોંચે છે જે બાદ મામલો થાળે પડ્યો હતો. 

કેમ થયો હતો વિવાદ 
બોલર બોલિંગ કરે તે પહેલા સૌરાષ્ટ્રના બેટર શેલ્ડન જેક્શને ખૂબ ટાઈમ લીધો, આ જોઈને બરોડાનો કેપ્ટન અંબાતી રાયડુ ભડકી ઉઠ્યો અને આ વાતને લઈને અમ્પાયરને ફરિયાદ કરવા ગયો ત્યાં જેક્સન પણ ત્યાં આવી ચડયો હતો અને તે બાદ બંને વચ્ચે તીખી નોકઝોંક થઈ. 

સૌરાષ્ટ્રએ જીતી મેચ 
આ મેચમાં બરોડાએ 20 ઓવરમાં ચાર વિકેટ ગુમાવીને 175 રન બનાવ્યા હતા ત્યારે સૌરાષ્ટ્રના સમર્થે 52 બોલ પર 97 રનની શાનદાર ઈનિંગ રમી અને ટીમને જીત અપાવી. સૌરાષ્ટ્ર તરફથી આ મેચમાં ચેતેશ્વર પૂજારા પણ રમી રહ્યા હતા. કૃણાલ પંડયાએ જ પૂજારાની વિકેટ લીધી હતી.