ભારતના સૌથી મોટા ઉદ્યોગપતિ અને રિલાયન્સ ઇન્ડસ્ટ્રીઝના ચેરમેન મુકેશ અંબાણી હાલમાં ભારત પ્રવાસે આવેલા માઈક્રોસોફ્ટના સીઈઓ સત્યા નડેલા સાથે ફ્યુચર ડિકોડેડ સમિટમાં જોવા મળ્યાં હતા.અને તેમણે જણાવ્યું હતું કે ભારત ટોપ-૩ ઇકોનોમીમાં ચોક્કસ પહોંચશે.
વિશ્વની ટોપ-૩ ઈકોનોમીમાં ભારત સામેલ થશેઃ મૂકેશ અંબાણી
ભારતીય કંપનીઓના સીઈઓ ટેક્નોલોજિકલ ક્ષમતા વિકસાવેઃ સત્યા નડેલા
૨૦૨૦માં ન્યૂ ઇન્ડિયા અમેરિકાના પ્રમુખ ડોનાલ્ડ ટ્રમ્પનું સ્વાગત કરી રહ્યું છે
દુનિયાની ટોચની ત્રણ ઇકોનોમીમાંથી એક બનવાની તક છે.
રિલાયન્સ ઇન્ડસ્ટ્રીઝના ચેરમેન અને ચીફ મેનેજિંગ ડાયરેક્ટર મૂકેશ અંબાણીએ જણાવ્યું છે કે ભારત વિશ્વની ટોપ-૩ ઇકોનોમીમાં સ્થાન પ્રાપ્ત કરશે. તેમણે જણાવ્યું હતું કે દેશ સમક્ષ પ્રીમિયર ડિજિટલ સોસાયટી અને દુનિયાની ટોચની ત્રણ ઇકોનોમીમાંથી એક બનવાની તક છે.
૨૦૨૦માં ન્યૂ ઇન્ડિયા અમેરિકાના પ્રમુખ ડોનાલ્ડ ટ્રમ્પનું સ્વાગત કરી રહ્યું છે.
માઇક્રોસોફ્ટના સીઇઓ સત્યા નડેલાની ભારતયાત્રા પ્રસંગે આયોજિત ફ્યુચર ડિકોડેડ સમિટને સંબોધતાં મૂકેશ અંબાણીએ જણાવ્યું હતું કે અમેરિકાના પ્રમુખ ડોનાલ્ડ ટ્રમ્પ જે ભારત જોઇ રહ્યા છે તે અગાઉ કાર્ટર, ક્લિન્ટન અને ઓબામાએ જે ભારત જોયું હતું તેનાથી અલગ છે. ૨૦૨૦માં ન્યૂ ઇન્ડિયા અમેરિકાના પ્રમુખ ડોનાલ્ડ ટ્રમ્પનું સ્વાગત કરી રહ્યું છે.
ટેક્નોલોજિકલ ક્ષમતા વિકસાવવી જોઇએ.
તેમણે જણાવ્યું હતું કે સમય ચોક્કસ લાગશે, પરંતુ ભારત ટોપ-૩ ઇકોનોમીમાં ચોક્કસ પહોંચશે. માઇક્રોસોફ્ટના સીઇઓ સત્યા નડેલાનું કહેવું છે કે ભારતીય કંપનીઓના સીઇઓને ટેકનિકલ રીતે વધુ સક્ષમ બનવાની જરૂર છે અને ટેક્નોલોજિકલ ક્ષમતા વિકસાવવી જોઇએ. દુનિયાની જરૂરિયાતને ધ્યાનમાં લેતાં ભારતે સૌથી ઓપન ઇન્ફ્રાસ્ટ્રક્ચર તૈયાર કરવું જોઇએ.