ગુજરાતમાં ખેતીનું ખાનગીકરણ થઈ રહ્યુ હોવાની ચર્ચાએ જોર પકડ્યુ છે. રિલાયન્સ ગ્રુપ જમીનમાં રોકાણ કરવા આવી રહ્યુ હોવાનો ગણગણાટ થઈ રહ્યો છે.
ભેસાણમાં રિલાયન્સ જૂથે જમીન ખરીદ્યાની ચર્ચા
ભેસાણના સામતપરામાં જમીન ખરીદ્યાની અટકળ
આજે અંબાણી પરિવાર સામતપરાની મુલાકાત લેશે
જૂનાગઢ ભેંસાણમાં રિલાયન્સ ગ્રુપે જમીન ખરીદ્યાની ચર્ચાઓ થઈ રહી છે. ભેંસાણના સામતપરા ગામે જમીન ખરીદ્યાનો ગણગણાટ છે. આજે અંબાણી પરિવાર સામતપરાની મુલાકાત લેશે.
સામતપરા ગામના ફાર્મમાં અંબાણી પરિવાર રોકાણ કરી શકે છે
અંબાણી સામતપરા ગામ પરિવાર બપોરે 3.30 વાગ્યે પહોંચશે જેને લઈને રિલાયન્સ ગ્રુપ દ્વારા તમામ તૈયારીઓ પૂર્ણ કરાઇ છે. અંબાણી પરિવારના આગમનને લઇ હેલિપેડ તૈયાર કરાયુ છે. સામતપરા ગામના ફાર્મમાં અંબાણી પરિવાર રોકાણ કરી શકે છે.
ગુજરાતના બજેટમાં ઉદ્યોગ પતિઓને રોકાણ કરવા છે આમત્રણ
ગુજરાતના આ વખતના બજેટમાં ઉદ્યોગોને ખરાબાની કે પડતર જમીન લઈને તેમાં સુધારા વધારા કરી તેમાં ખેતી કરી ખેડૂતોને કામ પર રાખીને ખેતીનુ પણ ઉદ્યોગીકરણ કરવાની સરકારી નીતિનો ગણગણાટ થઈ રહ્યો છે ત્યારે હવે રિલાયન્સની આ સૂચક મુલાકાતને પગલે લોકોનો ગણગણાટ સાચો હોવાનું સાબિત થઈ રહ્યુ હોવાની પણ વાતો વહેતી થઈ છે.