વાહ / અંબાણી, કોટક અને મિત્તલના અબજો રૂપિયા ડૂબ્યાં પરંતુ આ એક બિઝનેસમેનની સંપત્તિમાં થયો વધારો

• માર્કેટ ક્રેશ થતા અંબાણી સહિત કેટલાય ઉદ્યોગપતિઓને થયું નુકસાન
• ડી-માર્ટના સ્થાપક રાધાકિશન દમાનીની સંપત્તિમાં થયો વધારો 
• 416 મિલિયન જેટલી સંપત્તિ વધી 

શુક્રવારે બજાર બંધ થયું ત્યારે તેની કુલ સંપત્તિ 10.10 અબજ હતી. છેલ્લા એક વર્ષમાં, તેમની સંપત્તિમાં 416 મિલિયન (લગભગ 2900 કરોડ) નો વધારો થયો છે. રાધાકિશન દમાનીની કંપની ડી-માર્ટનો શેર હજી પણ ઉછાળો યથાવત છે. 13 માર્ચ 2019ના મુકાબલે આ શેર 8.64% વધ્યો છે. આજે પણ તેનો શેર 8.81 ટકા(રૂ. 96.50) વધ્યો છે. લક્ષ્મી મિત્તલની કુલ સંપત્તિ. 13.10 અરબ ડોલર છે. 

અંબાણીને 19 અબજ ડોલરનું નુકસાન 

દેશના સૌથી ધનિક વ્યક્તિ મુકેશ અંબાણીની સંપત્તિમાં 19 અબજ ડોલરનો ઘટાડો થયો છે. હવે તે એશિયાનો સૌથી ધનિક વ્યક્તિ નથી. આ ટાઇટલ હવે અલીબાબાના જેકને નામે થયું છે. મુકેશ અંબાણી સંપત્તિને નુકસાનના મામલામાં વિશ્વમાં પાંચમા ક્રમે છે.

40 અબજ ડોલરનું સામ્રાજ્ય ધરાવે છે રિલાયન્સ 

ક્રૂડ ઓઇલના ભાવમાં ભારે ઘટાડાને કારણે રિલાયન્સ ઇન્ડસ્ટ્રીઝને ભારે નુકસાન થયું છે. કોરોનાને કારણે માર્કેટ ક્રેશ થવાથી શેરના ભાવ પર દબાણ વધ્યું છે. મુકેશ અંબાણીની સંપત્તિમાં લગભગ 32% ઘટાડો થયો છે. શુક્રવારે રિલાયન્સ ઇન્ડસ્ટ્રીઝની કિંમત 40 અબજ આંકવામાં આવી રહી છે. છેલ્લા એક વર્ષમાં તેમાં 18.6 અબજ ડોલરનો ઘટાડો થયો છે.

અન્ય ઉદ્યોગપતિઓને પણ થયું છે નુકસાન

અન્ય ભારતીય ઉદ્યોગપતિઓની વાત કરીએ તો વિપ્રોના અઝીમ પ્રેમજીની સંપત્તિ 23.23 અબજ ડોલર (15.10 અરબ ડોલર), એચસીએલની શિવ નાદરની સંપત્તિ 2.27 અબજ ડોલર (કુલ 13.5 અબજ ડોલર) હતી, ઉદય કોટકની સંપત્તિ 2.41 અબજ ડોલર હતી ( કુલ 12.4 અબજ ડોલર) લક્ષ્મી મિત્તલની સંપત્તિ 4.53 અબજ ડોલર (કુલ 8.64 અબજ ડોલર)નું નુકસાન થયું છે.