દેશભરમાં ગણેશોત્સવની ઉજવણી કરવામાં આવી રહી છે. સામાન્ય લોકોથી લઇને સેલિબ્રેટીઝ હર્ષો-ઉલ્લાસની સાથે ગણપતિ બાપ્પાની પૂજા કરે છે.
શિલ્પા શેટ્ટી, સોનૂ સૂદ સહિતના ઘણા બોલિવુડ સ્ટાર્સ પોતાના ઘરે બાપ્પાની સ્થાપના કરે છે. તો દેશનો સૌથી ધનિક પરિવાર અંબાણી પરિવાર ઘરે ગણેશ સ્થાપનામાં આખું બોલિવુડ એક છત નીચે હતુ.
હવે અમિતાભ બચ્ચન અને અભિષેક બચ્ચન અંબાણી પરિવારની સાથે મુંબઇમાં લાલબાગ ચા રાજામાં ભગવાન ગણેશના દર્શન કરવા માટે પહોંચ્યા હતા. જોકે અમિતાભ બચ્ચન અને અભિષેક બચ્ચનની સાથે જયા બચ્ચન અને ઐશ્વર્યા રાય બચ્ચન નહતા જોવા મળ્યા. ઉલ્લેખનીય છે કે લાલબાગ ચા રાજા મુંબઇના સૌથી પ્રખ્યાત ગણપતિ પંડાલ છે.
Mumbai: Actors Amitabh Bachchan & Abhishek Bachchan, along with Mukesh Ambani & his family members, offer prayers at Lalbaugcha Raja. #GaneshChaturthipic.twitter.com/Rhya9BF3Ql
તો અંબાણી પરિવારમાં મુકેશ અંબાણી તેમના દિકરા આકાશ અને અનંત અંબાણી તેમજ આકાશની પત્ની શ્લોકા મહેતા લાલબાગ ચા રાજાના આશીર્વાદ લેવા માટે પહોંતચ્યા હતા. અનંતની કથિત ગર્લફ્રેન્ડ રાધિક મર્ચન્ટ પણ લાલબાગ ચા રાજાના દર્શન કરવા માટે અંબાણી પરિવારની સાથે આવી હતી.
હજારો ભક્તોની સાથે અભિષેક અને અમિતાભ બચ્ચને શ્રદ્ઘાપૂર્વક બાપ્પાના દર્શન કર્યા. અંબાણી પરિવાર અને અભિષેક-અમિતાભ બચ્ચને લાલબાગ ચા રાજાની આરતીનો લાભ લીધો હતો.
ઉલ્લખેનીય છે કે, લાલબાગ ચા રાજાના દર્શન કરવા માટે મોટી સંખ્યામાં ભક્તો આવે છે. રાજનીતિ, બિઝનેસ, સ્પોર્ટ્સ અને બોલિવુડથી જોડાયેલી હસ્તીઓ ભગવાન ગણપતિના આશીર્વાદ લેવા માટે આવે છે. આ વર્ષે લાલબાગ ચા રાજાના પંડાલની થીમ ISRO ચંદ્રયાન-2 ને સમર્પિત છે.
આ પહેલા મુકેશ અંબાણીના ઘરે એન્ટિલિયામાં ગણેશ ચતુર્થીની ઉજવણી કરવામાં આવી હતી. આ ખાસ પ્રસંગે એન્ટિલિયાને દુલ્હનની જેમ સજાવવામાં આવ્યુ હતુ. અંબાણી પરિવારે એક ખાસ કાર્યક્રમ પણ કર્યો, જેમાં રાજનીતિ, બિઝનેસ, સ્પોર્ટ્સ અને બોલિવુડથી જોડાયેલી હસ્તીઓ પહોંચી હતી.