આગાહી / 17થી 24 ઓગસ્ટ વચ્ચે ગુજરાતમાં વરસશે અનરાધાર વરસાદ, જુઓ કયા-કયા જિલ્લાઓને ઘમરોળશે

છેલ્લા 2 દિવસથી મેધરાજાએ બેટીંગ શરૂ કરી છે ત્યારે આગામી દિવસોને લઇ હવામાન નિષ્ણાંત અંબાલાલ પટેલે વરસાદને લઇ મહત્વની આગાહી કરી છે. જેમાં બપોર બાદ રાજ્યના હવામાનમાં પલટો આવવાનું તેમણે જણાવ્યુ હતુ.

વધુમાં અંબાલાલ પટેલે જણાવ્યુ હતુ કે બપોર બાદ અમદાવાદ, ગાંધીનગરમાં વરસાદી ઝાપટાં પડવાની આગાહી છે. ઉપરાંત 17થી 24 ઓગસ્ટ વચ્ચે રાજ્યમાં અનરાધાર વરસાદ પડી શકે છે.

અતિભારે વરસાદની આગાહી

બીજી તરફ દક્ષિણ ગુજરાતના આહવા, ડાંગ અને વલસાડમાં અતિભારે વરસાદની આગાહી છે. તથા જૂનાગઢ, અમરેલી, દ્વારકા અને પોરબંદરમાં મધ્યમ વરસાદ પડવાની શક્યતાઓ છે.

જામનગર, ખંભાળીયા, રાજકોટ, મોરબી અને સુરેન્દ્રનગરમાં પણ વરસાદી ઝાપટા જોવા મળશે. તથા અરવલ્લી, સાબરકાંઠા અને બનાસકાંઠામાં પણ વરસાદ પડવાની આગાહી અંબાલાલ દ્વારા કરવામાં આવી છે.

વધુ વાંચોઃ લોન થઇ મોંઘી, વધી જશે EMI, દેશની આ 3 સરકારી બેંકોએ વધાર્યું ગ્રાહકોનું ટેન્શન

અંબાલાલે જણાવ્યું હતું કે 17થી 24 ઓગસ્ટ વચ્ચે કચ્છમાં ભારે વરસાદ વરસી શકે છે. તથા 25 ઓગસ્ટ બાદ બંગાળ ઉપસાગરમાં ડિપ્રેશનને લઇ ભારે વરસાદની આગાહી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ