દેહાવસાન / ચુંદડીવાળા માતાજી થયાં બ્રમ્હલીન, પાર્થિવ દેહને આ સ્થળે 2 દિવસ માટે ભક્તોના દર્શન માટે રખાશે

• અંબાજીના ચુંદડીવાળા માતાજી ચરાડી ખાતે દેવલોક પામ્યા
• 2 દિવસ અંબાજી ખાતે નશ્વર દેહને દર્શન માટે રખાશે 

પ્રાપ્ત થતી જાણકારી પ્રમાણે ચૂંદડીવાળા માતાજીએ ચરાડા ખાતે દેહત્યાગ કર્યો છે. તેમના દેહત્યાગના સમાચારથી ભક્તોમાં શોકનું મોજું ફરી વળ્યું હતું ત્યારે હવે તેમના આ પાર્થિવ દેહને આગામી આજે અને આવતીકાલે(27 મે)ના રોજ ભક્તોના દર્શન માટે અંબાજી ખાતે રાખવામાં આવશે અને ત્યારબાદ 28મી મેના રોજ તેમના નશ્વર દેહને સમાધિ આપવામાં આવશે. 

તબિયત ખરાબ થતા થોડા દિવસ પહેલા ખાનગી હોસ્પિટલમાં એડમિટ કરાયાં

25 માર્ચ, 2020 ના રોજથી માતાજીની ચૈત્રી નવરાત્રિનો પ્રારંભ થતો હોવાથી ચૂંદડીવાળા માતાજી મૌન ધારણ કરીને અનુષ્ઠાન માટે પોતાની ગુફામાં બિરાજમાન થયા હતા. ચૈત્રી આઠમના રોજ ભક્તોને દર્શન આપ્યાં હતા, ત્યાર બાદ તબિયત ખરાબ થતા થોડા દિવસ પહેલા ખાનગી હોસ્પિટલમાં એડમિટ કરાયાં હતા, અગાઉ દેવલોક પામ્યા હોવાની અફવા પણ વહેતી થઇ હતી.

76 બ્રહ્મસમાજ દુઃખની લાગણી 

જય અંબે ચૂંદડીવાળા માતાજીના દેહાવસાન થ સમગ્ર 76 બ્રહ્મસમાજ દુઃખ અને શોકની લાગણી અનુભવે છે. દિવ્યાત્મા ના દુઃખદ અવસાન ને શ્રધ્ધાંજલિ આપવા અમારી પાસે શબ્દો નથી. લાગણી વ્યક્ત કરવા શબ્દકોશ નાનો પડે છે, આ દુઃખ ની ઘડીઓમાં આપણે સૌ સાથે મળીને દિવ્યાત્મા ના ચરણકમળ માં મસ્તક નમાવી કોટિ કોટિ વંદન કરીએ છીએ 

કોણ હતા ચુંદડીવાળા માતાજી?

• ચુંદડીવાળા માતાજી મહેસાણાના ચરાડા ગામના વતની હતી
• ચુંદડીવાળા માતાજીનું નામ પ્રહલાદ જાની હતું
• 12 વર્ષના હતા ત્યારથી અન્ન-જળનો ત્યાગ કર્યો હતો
• ચુંદડીવાળા માતાજી ઉર્ફે પ્રહલાદભાઈ જાની નહોતા લેતા અન્ન-જળ
• છેલ્લા 76 વર્ષથી અન્ન-જળ વિના જીવતા હતા
• માતાજીએ પોતાની મૂર્તિની જીવતે પ્રાણપ્રતિષ્ઠા કરી હતી
• ચુંદડીવાળા માતાજી પર વૈજ્ઞાનિકોએ પણ કર્યા હતા પરિક્ષણ
• ચુંદડીવાળા માતાજી એક ચમત્કારનો ભાગ કહી શકાય
• ચુંદડીવાળા માતાજી કઈ રીતે ભુખ્યા રહે ચે તે એક રહસ્ય હતું
• ચુંદડીવાળા માતાજીને મા અંબા પ્રત્યે અખૂટ શ્રદ્ધા હતી
• 2005-06માં પ્રહલાદ જાની પર અમદાવાદની ખાનગી હોસ્પિટલમાં સંશોધન થયું હતું
• પ્રહલાદ જાનીએ મા અંબાજીના ઉપાસક હોવાનો દાવો કર્યો હતો