સગવળ / દેશમાં એમેઝોન બિયર અને વાઈનની કરશે હોમ ડિલિવરી, આ રીતે ઓનલાઈન ઓર્ડર આપી શકાશે

• આનાથી દેશમાં કરોડો કરોડના દારૂ ઉદ્યોગને વેગ મળશે
• એમેઝોનને ભારતમાં દારૂ પહોંચાડવાની મંજૂરી આપવામાં આવી
• બંને કંપનીઓ પશ્ચિમ બંગાળમાં જ લોકોના ઘરે દારૂ પહોંચાડશે

હવે સારા સમાચાર એ છે કે અમેરિકન ઇ-કોમર્સ કંપની એમેઝોનને ભારતમાં દારૂ પહોંચાડવાની મંજૂરી આપવામાં આવી છે. માનવામાં આવે છે કે આનાથી દેશમાં કરોડો કરોડના દારૂ ઉદ્યોગને વેગ મળશે.

આટલું જ નહીં અલીબાબાના ગ્રોસરી વેન્ચર બિગબેસ્કેટને પણ દારૂ માટે પરવાનગી આપવામાં આવી છે. પરંતુ આ બંને કંપનીઓ પશ્ચિમ બંગાળમાં જ લોકોના ઘરે દારૂ પહોંચાડશે.

9 કરોડની વસ્તી ધરાવતું પશ્ચિમ બંગાળ  ભારતનું ચોથું સૌથી વધુ વસ્તી ધરાવતું રાજ્ય છે. એમેઝોને પશ્ચિમ બંગાળની સરકાર સાથે એક એમઓયુ પર હસ્તાક્ષર કર્યા છે. રાજ્ય સરકારે પણ આ અંગે નોટિસ જાહેર કરી છે

ન્યૂઝ એજન્સી રોઈટર્સે તેના સમાચારોમાં લખ્યું છે કે એમેઝોને આ સંદર્ભમાં કોઈ નિવેદનો જાહેર કરવાની ના પાડી છે. એમેઝોન કંપની ઇચ્છે છે કે તે પશ્ચિમ બંગાળના 2.06 લાખ કરોડ રૂપિયાના દારૂ ઉદ્યોગમાં જોડાય.

એમેઝોને છેલ્લા કેટલાક વર્ષોમાં આખા ભારતમાં તેનો ઇ-કોમર્સ વ્યવસાય ફેલાવ્યો છે. એમેઝોન ભારતમાં 49,247 કરોડ રૂપિયાનું રોકાણ કરવાનું કહી રહી છે.

ગયા મહિને જ સ્વિગી અને ઝોમેટો જેવી ફૂડ ડિલિવરી કંપનીઓએ દેશના કેટલાક શહેરોમાં દારૂ પહોંચાડવાનું કામ શરૂ કર્યુ છે. આ કંપનીઓ દ્વારા દારૂની વિશાળ માંગને ધ્યાનમાં રાખીને આ નિર્ણય લેવામાં આવ્યો છે.

ભારતમાં માર્ચ મહિનામાં દારૂના વેચાણ પર પ્રતિબંધ મૂકતાંની સાથે જ લોકોમાં તેની માંગ વધતી ગઈ. જ્યારે મે મહિનામાં દારૂની દુકાનો ખોલવામાં આવી હતી. ત્યારે લોકો એક લાઇન પર દારૂ ખરીદતા જોવા મળ્યા હતા.

દેશના દરેક રાજ્યમાં દારૂને લગતી જુદી જુદી નીતિ છે. પશ્ચિમ બંગાળ સરકારે ગયા મહિને ઓનલાઈન દારૂ પહોંચાડવાની ઇચ્છા વ્યક્ત કરી હતી. આ પછી એમેઝોન અને બિગ બાસ્કેટે આ સેવા શરૂ કરવાનો નિર્ણય કર્યો છે.