દિલ્હી / ડેટા પ્રોટેક્શન બિલ મુદ્દે Amazonએ સમિતિ સામે હાજર થવાનો ઇનકાર કરતા થઇ શકે છે કાર્યવાહી, જાણો શું છે સમગ્ર મામલો

• સોશ્યલ મીડિયાને લઈને સરકાર બનાવવા જઈ રહી છે કાયદો 
• સરકારે કાયદાને લઈને સમિતિનું કર્યું ગઠન 
• એમેઝોને હાજર થવાની ના પાડી, ફેસબુકના અંખી દાસની થઇ પૂછપરછ 

પર્સનલ ડેટા પ્રોટેક્શન બિલને લઈને એમેઝોન કંપનીએ સંસદીય સમિતિ સામે હાજર થવાની ના પાડી દીધી છે. 28મી ઓક્ટોબરના રોજ સંસદીય સમિતિની સામે એમેઝોને સંસદીય સમિતિ સામે હાજર થવાનું હતું જેના પર ભાજપના સાંસદ મીનાક્ષી લેખીએ કહ્યું કે એમેઝોન સંસદીય સમિતિ સામે હાજર ન થાય તે વિશેષાધિકારના ભંગ સમાન છે. 

શું છે સમગ્ર મામલો : 

મીનાક્ષી લેખીએ જણાવ્યું કે સમિતિ સામે હાજર ન થવાના કારણે એમેઝોન સમાઈ સરકાર દ્વારા કાર્યવાહી માટે સમિતિ એકમત છે. જોકે બીજી તરફ ફેસબુક પોલીસ પ્રમુખ અંખી દાસ સમિતિ સામે હાજર થયા હતા અને બે કલાક સુધી તેમની પૂછપરછ થઇ હતી. ગૂગલ અને પેટીએમને આ બિલ મુદ્દે 29 ઓક્ટોબરના રોજ સંયુક્ત સંસદીય સમિતિ સામે હાજર થવા માટે સમન પાઠવવા આવ્યું છે. આ સિવાય ટ્વિટરને પણ 28 તારીખના રોજ હાજર થવા કહેવામાં આવ્યું છે.  

ફેસબુકના પોલીસી હેડ સાથે પૂછપરછમાં ઘણા આકરા સવાલો સમિતિના સદસ્યો દ્વારા પૂછવામાં આવ્યા હતા જેમાં એમ પણ કહેવામાં આવ્યું કે ફેસબુકે યુઝર્સની માહિતીનો ઉપયોગ કૉમર્શિયલ ફાયદા માટે કરી શકાય નહીં.  

શું છે આ બિલ : 

નોંધનીય છે કે સોશ્યલ મીડિયાના જમાનામાં અત્યારે લોકોનો પ્રાઈવેટ ડેટા સુરક્ષિત રાખવું ખૂબ પડકારજનક બની ગયું છે. સોશ્યલ મીડિયા પર યુઝર્સની ગતિવિધિ છે તેની પળેપળની જાણકારી કંપનીઓ રાખતી થઇ ગઈ છે. એવામાં યુઝર્સની ખાનગી માહિતી પર પણ કંપનીઓનો અધિકાર વધતો જઈ રહ્યો છે જેના કારણે ભવિષ્યમાં તેનો ગેરલાભ ઉઠાવવામાં આવે તેની ભીતિ સેવાઈ રહી છે. 

ઘણી બધી સ્ટડી અને અહેવાલોમાં દાવા કરવામાં આવ્યા છે કે જે તે કંપનીએ આ ડેટાનો ફાયદો ઉઠાઈ શકે છે. સાઈબર ક્રાઈમ કરનારા લોકોની નજર પણ આ જ ડેટા પર રહે છે. 

સમિતિ કાયદા માટે સરકારને આપશે ડ્રાફ્ટ 

ટેકનોલોજીમાં ભારત જે ગતિએ હરણફાળ ભરી રહ્યું છે તેની સામે ભારતના બંધારણમાં વધતા ખતરાને લઈને કોઈ કાયદો જ નથી. આ જ કારણ છે કે સરકાર હવે આ દિશામાં કામ કરતી થઇ છે અને સર્વોચ્ચ અદાલતના પૂર્વ જસ્ટિસ બીએન શ્રીકૃષ્ણાની અધ્યક્ષતામાં એક સમિતિનું ગઠન કરવામાં આવ્યું છે. આ સમિતિ દ્વારા પર્સનલ ડેટા પ્રોટેક્શન બિલ ડ્રાફ્ટ તૈયાર કરીને સરકારને આપવામાં આવશે.  આં જ કારણ છે કે આ બિલને લઈને સમિતિ વિવિધ સોશ્યલ મીડિયા કંપનીઓ સાથે પણ મુલાકાત કરી રહી છે.