ભારતના એક ટ્રિલિયન ડોલરના રીટેલ માર્કેટ પર દબદબો જમાવવા દુનિયાના બે અમીર જેફ બેજોસ અને મુકેશ અંબાણી વચ્ચે જંગ ચાલી રહ્યો છે.
ભારતના એક ટ્રિલિયન ડોલરના રીટેલ માર્કેટ પર દબદબો જમાવવા બેજોસ-અંબાણી વચ્ચે જંગ
દુનિયાભરના રોકાણકારોની નજર બેજોસ-અંબાણીના આ જંગ પર મંડાયેલી છે.
એમેઝોને રિલાયન્સ ઈન્ડ. અને ફ્યુચર ગ્રુપનો સોદો રોકવા માટે એડી ચોટીનું જોર લગાવ્યું
દુનિયાભરના રોકાણકારોની નજર બેજોસ-અંબાણીના આ જંગ પર મંડાયેલી છે. બેજોસની ઈ કોમર્સ કંપની એમેઝોને રિલાયન્સ ઈન્ડ. અને ફ્યુચર ગ્રુપનો સોદો રોકવા માટે એડી ચોટીનું જોર લગાવી દીધું છે.
દિલ્હી હાઈકોર્ટની સિંગલ ખંડપીઠે ફ્યુચર ગ્રુપની કંપનીઓને તેની સંપત્તિઓ વેચતા અટકાવી દીધી હતી. પરંતુ હવે જજોની એક મોટી ખંડપીઠે આ ફેસલાને ઉલટાવી દીધો છે.
હવે એમેઝોન આ ફેસલાની સામે સુપ્રીમ કોર્ટમાં અરજી કરી શકે છે. ફ્યુચર રીટેલે તેનો રીટેલ અને હોલસેલ કારોબાર રિલાયન્સને સોંપવા માટે ગત વર્ષે એક સોદો કર્યો હતો.
એમેઝોને આ સોદાની સામે સિંગાપુરના આર્બિટ્રેશન કોર્ટમાં અપીલ કરી હતી. કોર્ટે ફ્યુચર રીટેલને આ સોદો રોકવાનો આદેશ આપ્યો હતો. આ ફેસલાને લાગુ પાડવા માટે એમેઝોને ભારતીય કોર્ટનો દરવાજો ખખડાવ્યો છે.
દુનિયાભરના રોકાણકારોની નજર
બેજોસ અને અંબાણી વચ્ચેના આ જંગ પર દુનિયાભરના રોકાણકારોની નજર મંડાયેલી છે. રોકાણકારો ઉત્સુકતાથી જોઈ રહ્યાં છે કે વિદેશી મધ્યસ્થીઓનો ચુકાદો ભારતમાં લાગુ પડે છે કે નહીં. તેનાથી વિદેશી રોકાણકારોને ભારતમાં કરવામાં આવેલા એગ્રીમેન્ટ્સની વેલિડિટી ચકાસવાની પણ તક મળશે.
ભારત વિરુદ્ધ બે ચુકાદા
રિલાયન્સ ઈન્ડ.,એમેઝોનના ભારતીય યુનિટ અને ફ્યુચર ગ્રુપના પ્રવક્તાએ કોર્ટના ચુકાદા પર કોઈ ટીપ્પણી કરી નથી. ફ્યુચર રીટેલના વકીલોએ કોર્ટમાં દલીલ કરી કે કંપનીને બંધ થતી બચાવવા રિલાયન્સ સાથે ડીલ જ અંતિમ રસ્તો છે. આ પહેલા બે વિદેશી આર્બિટ્રેશનના બે ચુકાદા ભારતની સામે આવેલા છે. સપ્ટેમ્બરમં એક આર્બિટેશન ટ્રીબ્યુનલે વોડાફોન પર 3 અબજ ડોલરનો ટેક્સ લગાડવા ભારત સરકારના ચુકાદાન અનૂચિત ગણાવ્યો હતો જ્યારે બીજા એક ચુકાદામાં ભારતને કેયર્ન એનર્જી પીએલસીને 1.2 અબજ ડોલર પાછા આવવાનું કહેવાયુ હતું. mukesh ambai, Jeff Bezos, future grou